ʻĀmoni, Hako ʻo Seilahemalá

Ko ha tangata mālohi mo ivi lahi ʻi he Tohi ʻa Molomoná, ʻa ia naʻá ne taki ʻa e fononga ko ia mei Seilahemala ki he fonua ko Līhai-Nīfaí (Mōsaia 7:1–16). Naʻe fakahā kiate ia ha ngaahi lekooti fakakuongamuʻa pea fakamatalaʻi kiate ia hono ʻuhinga ʻo e tangata kikité (Mōsaia 8:5–18). Naʻá ne tokoni ki mui ki hono fakatauʻatāinaʻi ʻo e Tuʻi ko Limihaí mo hono kakaí mei he kau Leimaná pea fakafoki mai ʻa kinautolu ki Seilahemala (Mōsaia 22).