Filimoné, Tohi kia

Ko ha tohi ʻi he Fuakava Foʻoú ʻa ia naʻe toʻo mei ha tohi naʻe fai ʻe Paula. Ko e tohi ʻa Paula kia Filimoné ko ha tohi fakafoʻituitui pē ia ʻo kau kia ʻOnesimosi, ʻa ia ko e pōpula naʻá ne kaihaʻa mei hono ʻeiki, ko Filimoné, pea hola ia ki Loma. Naʻe fekau ia ʻe Paula ke foki ki hono ʻeikí ʻi Kolose fakataha mo Tikiko, ʻa ia naʻá ne ʻave ʻa e tohi ki he kakai Kolosé. Naʻe kole ai ʻe Paula ke fakamolemoleʻi ʻa ʻOnesimosi pea tali ia ko hono kaungā Kalisitiane. Naʻe fai ʻe Paula ʻa e tohi ko ʻení lolotonga ʻene ʻuluaki nofo pōpula ʻi Lomá.