Vahehongofulú

Ko ha vahe hongofulu ia ʻe taha ʻo e tupu fakataʻu ʻa ha taha ʻoku foaki ki he ʻEikí ʻo fakafou atu ʻi he Siasí. ʻOku ngāue ʻaki ʻa e ngaahi paʻanga vahehongofulú ke langa hake ʻa e ngaahi fale lotú mo e ngaahi temipalé, ke poupouʻi ʻa e ngāue fakafaifekaú, mo langa hake ʻa e puleʻanga ʻo e ʻOtuá ʻi he māmaní.

Naʻe foaki ʻe ʻĒpalahame ʻene vahehongofulu ʻi he meʻa kotoa pē kia Melekisēteki, Sēnesi 14:18–20 (Hepelū 7:1–2, 9; ʻAlamā 13:15).
ʻOku ʻa Sihova ʻa e vahehongofulu kotoa pē, ʻoku māʻoniʻoni ia kia Sihova, Lev. 27:30–34.
Kuo pau ke vahehongofulu moʻoni ʻaki ʻa e tupu kotoa pē, Teut. 14:22, 28.
Naʻa nau ʻomi lahi ʻaupito ʻa e vahehongofulu ʻo e ngaahi meʻa kotoa pē, 2 Fkmtl. 31:5.
ʻE kaihaʻa ʻa e tangatá mei he ʻOtuá? Kuo mau kaihaʻa meiate koe ʻi he hā? ʻI hono vahehongofulu ʻo e meʻa mo e ngaahi feilaulau, Malakai 3:8–11 (3 Nīfai 24:8–11).