Tangata Malanga

Ko ha tohi ʻi he Fuakava Motuʻá ʻoku kau ki ai ha ngaahi fakakaukau ki ha niʻihi ʻo e ngaahi palōpalema mamafa taha ʻo e moʻuí.

Ko e tokotaha naʻá ne hiki ʻa e tohí, ko e Tangata Malangá, pea naʻá ne tohi ha konga lahi ʻo e tohí mei he tuʻunga fakakaukau ʻa kinautolu ʻoku ʻikai te nau maʻu ha ʻilo ki he ongoongoleleí. Naʻá ne tohi ʻo fakatatau ki he ngaahi meʻa ʻoku ʻi he loto ʻo e kakai ʻo e māmaní—ʻa ia ko kinautolu “ʻi he lalo laʻaá” (Tngt. 1:9). ʻOku hangē ʻoku fakaʻikaiʻi pe ngali fakapoʻulí ha konga lahi ʻo e tohí (Tngt. 9:5, 10). ʻOku ʻikai ko e finangalo ʻo e ʻEikí ke pehē ʻetau vakai ki he moʻuí, ka ko e anga pē ʻo e vakai ʻa e Tangata Malangá ki he founga ʻoku hanga ai ʻe ha ngaahi meʻa ʻe niʻihi ʻo ngaohi ke fakapoʻuli ʻa e tangata ʻi he māmaní. Ko e konga fakalaumālie taha ʻo e tohí ʻoku ʻi he vahe 11 mo e 12, ʻa ia ʻoku pehē ai ʻe he tokotaha faʻu tohí ko e ngaahi meʻa pē ʻoku tolonga hono mahuʻingá ko e tauhi ʻo e ngaahi fekau ʻa e ʻOtuá.