Papitaiso ʻo e Fānau Valevalé

Ko e ngāue taʻeʻaonga ko ʻeni ʻo hono papitaiso ʻo e fānau valevalé mo e longaʻi fānau ko ia ʻoku nau siʻi hifo ʻi he taʻu valú. Naʻe fakahalaiaʻi ʻe he ʻEikí hono papitaiso ʻo e fānau īkí (Molonai 8:10–21). ʻOku fanauʻi mai ʻa e fānaú ʻoku nau taʻehalaia pea ʻikai haʻanau angahala. ʻOku ʻikai maʻu ʻe Sētane ha mālohi ke ʻahiʻahiʻi ʻa kinautolu kae ʻoua kuo toki aʻu ki he tuʻunga ʻa ia ʻe ala ʻekeʻi ai meiate kinautolu ʻa ʻenau ngaahi ngāué (T&F 29:46–47), ko ia ʻoku ʻikai fie maʻu ai ke nau fakatomala pe papitaiso ʻa kinautolu. ʻOku totonu ke papitaiso ʻa e fānaú ʻi honau taʻu valú (T&F 68:25–27).