Leimaná, Kau

Ko ha kulupu ʻo e kakai ʻi he Tohi ʻa Molomoná, ʻa ia naʻe ʻi ai honau tokolahi ko e hako ia ʻo Leimana, ko e foha lahi taha ʻo Līhaí. Naʻa nau pehē naʻe faihala ʻa Nīfai mo hono hakó kiate kinautolu (Mōsaia 10:11–17). Naʻe tupu ai ʻenau angatuʻu ki he kau Nīfaí pea naʻe lahi ai ʻenau taʻetali ʻa e ngaahi akonaki ʻo e ongoongoleleí. Ka neongo iá, naʻe tali ʻe he kau Leimaná ʻa e ongoongoleleí ʻi ha kiʻi taimi siʻi ki muʻa pea ʻaloʻi mai ʻa Sīsū Kalaisí, pea naʻa nau māʻoniʻoni ange ʻi he kau Nīfaí (Hilam. 6:34–36). Naʻe ʻosi ha taʻu ʻe uangeau mei he hāʻele mai ʻa Kalaisi ki he ongo ʻAmelika, naʻe toe fai angahala ʻa e kau Leimaná mo e kau Nīfaí pea nau kamata ke fetauʻaki ʻiate kinautolu. Naʻe hanga ʻe he kau Leimaná ʻo fakaʻauha fakaʻaufuli ʻa e puleʻanga ʻo e kau Nīfaí ʻi he taʻu T.S. 400 nai.