Samēliá, Kakai

Ko e kakai ʻi he tohi tapú ʻa ia naʻa nau nofo ʻi Samēlia hili hono puke pōpula ʻa e puleʻanga ʻIsileli ʻi he tokelaú ʻe he kau ʻAsiliá. Naʻe konga ʻIsileli mo konga Senitaile ʻa e kau Samēliá. Naʻe fio ʻi heʻenau tui fakalotú ʻa e ngaahi tui mo e ngaahi founga ngāue ʻa e lotu faka-Siú mo e lotu fakahītení. ʻOku hā mei he talanoa fakatātā ʻi he Luke 10:25–37 ki he Tangata Samēlia Leleí ʻa e fehiʻa ʻa e kau Siú ki he kau Samēliá koeʻuhi ko e mavahe ʻa e kau Samēliá mei he tui fakalotu ʻa e kau ʻIsilelí. Naʻe fekau ʻe he ʻEikí ki he kau ʻAposetoló ke nau malanga ʻaki ʻa e ongoongoleleí ki he kau Samēliá (Ngāue 1:6–8). Naʻe ola lelei hono malanga ʻaki ʻe Filipe ʻa e ongoongoleleí ki he kakai Samēliá peá ne fakahoko ha ngaahi mana lahi ʻiate kinautolu (Ngāue 8:5–39).