Kōsipelí, Ngaahi

Ko e ngaahi lekooti pe ngaahi fakamoʻoni ia ʻe fā ki he moʻui fakamatelie ʻa Sīsuú mo e ngaahi meʻa naʻe hoko fekauʻaki mo ʻEne ngāue fakafaifekaú pea ʻoku tuʻu ia ʻi he ngaahi ʻuluaki tohi ʻe fā ʻo e Fuakava Foʻoú. Naʻe tohi ia ʻe Mātiu, Maʻake, Luke, mo Sione, pea ʻoku nau hoko ko e ngaahi fakamoʻoni kuo tohi ki he moʻui ʻa Kalaisí. ʻOku lahi ʻaupito ʻa e ngaahi konga ʻoku faitatau ai ʻa e tohi 3 Nīfai ʻi he Tohi ʻa Molomoná mo e ngaahi Kōsipeli ʻe fā ko ʻeni ʻi he Fuakava Foʻoú.

Naʻe ʻuluaki tohi ʻa e ngaahi tohi ʻo e Fuakava Foʻoú ʻi he lea faka-Kalisí. Ko hono ʻuhinga ʻo e foʻi lea faka-Kalisi ki he kōsipelí ko e “ongoongo lelei.” Ko e ongoongo leleí ʻa e fakalelei naʻe fai ʻe Sīsū Kalaisi ke huhuʻi ʻa e faʻahinga kotoa ʻo e tangatá mei he maté pea fakapaleʻi ʻa e tokotaha kotoa pē ʻo fakatatau ki heʻene ngaahi ngāué. (Sione 3:16; Loma 5:10–11; 2 Nīfai 9:26; ʻAlamā 34:9; T&F 76:69).

Vakai foki ki he Faaitaha ʻa e Ngaahi Kosipelí ʻi he fakalahí.