Ngāue ʻa e Kau ʻAposetoló, Ngaahi

Ko e tohi ko ʻení ko e tohi ia hono ua ʻo ha tohi konga ua naʻe tohi ʻe Luke kia Tiofilusi. ʻOku ui ʻa e konga ʻuluakí ko e Ongoongoleleí ʻo Fakatatau kia Luke. ʻOku tohi ʻi he vahe 1–12 ha niʻihi ʻo e ngaahi ngāue fakafaifekau mahuʻinga ʻa e Kau ʻAposetolo ʻe Toko Hongofulu Mā Uá lolotonga ʻa e taki kinautolu ʻe Pita ʻi he hili pē ʻa e pekia mo e toetuʻu ʻa e Fakamoʻuí. ʻOku fakamatala ʻa e vahe 13–28 ki ha niʻihi ʻo e ngaahi fononga holo mo e ngāue fakafaifekau ʻa e ʻAposetolo ko Paulá.