Tōmasi

Ko e toko taha ia ʻo e ʻuluaki Kau ʻAposetolo ʻe Toko Hongofulu Mā Ua ʻi he Fuakava Foʻoú, ʻa ia naʻe fili ʻe he Fakamoʻuí lolotonga ʻene ngāue fakafaifekau ʻi he moʻui fakamatelié (Mātiu 10:2–3; Sione 14:5). Ko e hingoá ko e Titimasi ʻi he lea faka-Kalisí (Sione 20:24–29; 21:2). Neongo naʻe taʻetui ʻa Tōmasi ki he Toetuʻu ʻa Sīsuú kae ʻoua kuó ne mamata totonu ki he Fakamoʻuí, ka naʻe hanga ʻe he mālohi ʻo hono ʻulungāngá ʻo ngaohi ia ke ne loto-fiemālie pē ke fepaki mo e fakatangá mo e maté fakataha mo hono ʻEikí (Sione 11:16; 20:19–25).