Tohi ʻo e Manatú

Ko ha tohi ia naʻe kamata ʻe ʻĀtama ʻa ia naʻe lekooti ai ʻa e ngaahi ngāue ʻa hono hakó; kae ʻumaʻā foki ha ngaahi lekooti tatau mo ia naʻe tauhi ʻe he kau palōfitá mo e kāingalotu tui faivelengá talu mei he taimi ko iá. Naʻe hanga ʻe ʻĀtama mo ʻene fānaú ʻo tauhi ha tohi ʻo e manatú, ʻa ia naʻa nau tohi ai ʻo fakatatau ki he laumālie ʻo e fakahaá, mo ha tohi ʻo e ngaahi toʻu tangatá, ʻa ia ʻoku kau ai ʻa e tohi hohokó (Mōsese 6:5, 8). ʻE lava ke kau ʻa e ngaahi tohi ko iá ki hono fakapapauʻi hotau tuʻunga ʻi he fakamaau fakaʻosí.