ʻEmipaea Lomá

Ko e ʻemipaea ia ʻo Loma ʻi he kuonga muʻá. Naʻe hoko ʻa e ʻEmipaea Lomá ʻi he taimi ʻo e kuonga ʻo e kau ʻaposetoló ko e puleʻanga mālohi taha ia ʻi he māmaní. Naʻe kau ki ai ʻa e ngaahi fonua kotoa pē ʻi loto ʻi he vahaʻa ʻo ʻIufaletesí, ko e Vaitafe Tanupí, mo e Vaitafe Lainí, ko e tahi ʻAtalanitikí, mo e toafa Sahalá. Naʻe hoko ʻa Palesitaine ko e puleʻanga fakaongoongo ʻi he taʻu 63 K.M., ʻi he taimi naʻe kapa ai ʻe Pomipei ʻa Selusalemá. Neongo naʻe foaki ange ʻe he kau Lomá ha faingamālie lahi ki he kau Siú, ka naʻe fehiʻa ʻa e kau Siú ia ʻi he pule ʻa e kau Lomá pea naʻa nau faʻa angatuʻu ai kiate kinautolu.

Ko ha tangataʻi-fonua Loma ʻa Paula, pea naʻá ne ngāue ʻaki ʻa e lea faka-Kalisí, he ko e lea ia naʻe lahi taha hono ngāue ʻaki ʻi he ʻemipaeá, ʻi heʻene fakamafola ʻa e ongoongoleleí ʻi he ʻemipaeá.