Kakai Sino Liliú Ko e kakai kuo liliu koeʻuhi ke ʻoua naʻa nau fepaki mo e mamahí pe maté kae ʻoua ke aʻu ki heʻenau toetuʻu ki he moʻui taʻe-faʻa-maté. Naʻe ʻaʻeva ʻa ʻĪnoke mo e ʻOtuá, pea naʻe ʻikai ia he naʻe ʻave ia ʻe he ʻOtuá, Sēnesi 5:24 (Hepelū 11:5; T&F 107:48–49). ʻOku ʻikai ʻilo ʻe ha tangata ʻa e tanuʻanga ʻo Mōsesé ʻo aʻu mai ki he ʻahó ni, Teut. 34:5–6 (ʻAlamā 45:19). Naʻe ʻalu hake ʻa ʻIlaisiā ʻi he ʻahiohio ki he langí, 2 Ng. Tuʻi 2:11. Kapau ko hoku lotó ke tatali ia kae ʻoua ke u haʻu, ko e hā ia kiate koe, Sione 21:22–23 (T&F 7:1–3). ʻE ʻikai te mou teitei ʻilo ʻa e maté, 3 Nīfai 28:7. Ko kinautolu naʻe ʻikai te nau aʻusia ʻa e maté naʻe fakahoko ha liliu ki honau sinó, 3 Nīfai 28:38 (4 Nīfai 1:14; Molom. 8:10–11). ʻE moʻui ʻa Sione ʻOfeina kae ʻoua ke hāʻele mai ʻa e ʻEikí, T&F 7. Kuó u ʻave ʻa e Saione ʻo ʻĪnoké ki hoku fatafata ʻoʻokú, T&F 38:4 (Mōsese 7:21, 31, 69). Ko ʻĪnoke mo hono kāingá ko ha kolo kuo fakatolonga ki ha ʻaho ʻo e māʻoniʻoni, T&F 45:11–12. Naʻe ʻave ʻa ʻIlaisiā ki he langí taʻe te ne aʻusia ʻa e maté, T&F 110:13. Naʻe tō hifo ʻa e Laumālie Māʻoniʻoní ki he tokolahi, pea naʻe toʻo hake ʻa kinautolu ki Saione, Mōsese 7:27.