Talanoa Fakatātaá

Ko ha talanoa mahinongofua ʻoku ngāue ʻaki ke fakatātaaʻi mo akoʻi ha foʻi moʻoni pe tefitoʻi moʻoni fakalaumālie. ʻOku makatuʻunga ʻa e talanoa fakatātaá ʻi hono fakafehoanaki ha meʻa pe ko ha meʻa ne hoko maheni pē ki ha foʻi moʻoni, pea ʻoku faʻa fufuuʻi mai ʻa e ʻuhinga pe pōpoaki ʻo e talanoa fakatātaá ki he kau fanongo ko ia ʻoku ʻikai te nau mateuteu fakalaumālie ke nau maʻu iá (Mātiu 13:10–17).

Naʻe faʻa ngāue ʻaki ʻe Sīsū ʻa e ngaahi talanoa fakatātaá ʻi heʻene ngaahi akó. Vakai ki he Faaitaha ʻa e Ngaahi Kōsipelí ʻi he fakalahí ki ha lisi ʻo ʻEne ngaahi talanoa fakatātā tefitó.