Tani

Vakai ki he tohi Sēnesi 49:16–18 ke maʻu mei ai ʻa e tāpuaki naʻe tuku ʻe Sēkope kia Taní. Vakai ki he tohi Teut. 33:22 ke maʻu mei ai ʻa e tāpuaki naʻe tuku ʻe Mōsese ki he faʻahinga ʻo Taní. Naʻe hili ʻenau nofoʻi ʻa Kēnaní, naʻe maʻu leva ʻe he faʻahinga ʻo Taní ha konga fonua siʻisiʻi ka naʻe fuʻu maʻuiʻui ʻaupito (Sosiua 19:40–48). Naʻa nau faingataʻaʻia ʻaupito ʻi hono maluʻi ia mei he kau ʻĀmolí (Fakam. 1:34), pea mei he kau Filisitiá (Fakam. 13:2, 25; 18:1). Naʻe tupu ai ʻa e hiki fakatokelau ʻi Palesitaine ʻa e kakai ʻo Taní (Fakam. 18), ʻo takatakai ki Leisi, pea nau fakahingoa ʻa e koló ko e kolo ʻo Taní. ʻOku ʻiloa ʻa e kolo ko ʻení ko e ngataʻanga fakatokelau ia ʻo Palesitainé, ʻa ia ʻoku “kamata ia mei Tani ʻo aʻu ki Peasipa.”