Setelō

Ko ha pilinisi mo taulaʻeiki ʻo Mitiane ʻi he Fuakava Motuʻá ʻa ia naʻá ne ʻoange kia Mōsese ha nofoʻanga hili ʻa e hola ʻa Mōsese mei ʻIsipité. ʻOku toe ui foki ia ko Liueli (ʻEke. 2:18). Naʻe mali ʻa Mōsese ki mui mo e ʻofefine ʻo Setelō ko Sīpola (ʻEke. 3:1; 4:18; 18:1–12). Naʻe akoʻi ʻe Setelō ʻa Mōsese ke ne vahevahe atu ʻa e ngaahi fatongiá mo e mafaí ki ha niʻihi kehe ke nau fua (ʻEke. 18:13–27). Naʻe maʻu ʻe Mōsese ʻa e Lakanga Taulaʻeiki Faka-Melekisētekí meia Setelō (T&F 84:6–7).