Temipale Ketilaní, ʻOhaiō (USA)

Ko e ʻuluaki temipale ia naʻe langa ʻe he Siasí ʻi he kuonga fakaonopooni ko ʻení. Naʻe langa ia ʻe he Kāingalotú ʻi Ketilani, ʻo fakatatau ki he fekau ʻa e ʻEikí (T&F 94:3–9). Ko e taha ʻo hono taumuʻá ke fokotuʻu ha feituʻu ʻa ia ʻe lava ai ʻe he kāingalotu ʻoku taau mo feʻunga ʻo e Siasí ʻo maʻu ha mālohi fakalaumālie, mafai mo e fakamaama (T&F 109–110). Naʻe tāpuakiʻi mo fakatapui ia ʻi he ʻaho 27 ʻo Māʻasi 1836; pea naʻe foaki mai ʻa e lotu fakatapuí ki he Palōfita ko Siosefa Sāmitá ʻi he fakahā (T&F 109). Naʻe foaki mai ʻe he ʻEikí ha ngaahi fakahā mahuʻinga pea fakafoki mai ʻi he temipale ko iá ʻa e ngaahi kī ʻo e lakanga fakataulaʻeikí ʻa ia naʻe fuʻu fie maʻu lahi (T&F 110; 137). Naʻe ʻikai fakaʻaongaʻi ia ki he ngaahi ouau fakatemipale kotoa ʻa ia ʻoku foaki mai ʻi he ngaahi temipale ʻo e ʻaho ní.