Tesaloniká, Ongo Tohi ki he Kakai
Ko e tohi ʻe ua ʻi he Fuakava Foʻoú. Ko e ongo tohi ia naʻe ʻuluaki tohi ʻe Paula ki he kakai Tesaloniká, lolotonga ʻene ʻi Kolinitō ʻi he lolotonga ʻene ʻuluaki ʻaʻahi ki ʻIulope ʻi he taʻu T.S. 50 nai. ʻOku fakamatalaʻi ʻene ngāue ʻi Tesaloniká ʻi he Ngāue vahe 17. Naʻe fie foki ʻa Paula ki Tesalonika ka naʻe ʻikai te ne lava (1 Tesal. 2:18). Ko ia naʻá ne fekau ai ʻa Tīmote ke fakafiefiaʻi ʻa e loto ʻo e kau uluí mo ʻomi ha ongoongo kiate ia ʻo kau kiate kinautolu. Naʻe tohi ʻe Paula ʻa e ʻuluaki tohí tuʻunga ʻi heʻene fakafetaʻi ʻi he foki mai ʻa Tīmoté.
ʻUluaki Tesalonika
ʻOku ʻi he vahe 1–2 ʻa e pōpoaki ʻa Paula mo ʻene lotua ʻa e Kāingalotú; pea ʻokú ne ʻoatu ʻi he vahe 3–5 ha fakahinohino ʻo kau ki he tupulaki fakalaumālié, ʻofá, angamaʻá, faivelengá, mo e Hāʻele ʻAngaua Mai ʻa Sīsū Kalaisí.
Ua Tesalonika
ʻOku ʻi he vahe 1 hano lotua ʻo e Kāingalotú. ʻOku fakamatala ʻa e vahe 2 ki he hē mei he moʻoní ʻa ia ʻe hoko maí. ʻOku ʻi he vahe 3 hano lotua ʻe Paula ke ikuna ʻa e ngāue ʻo e ongoongoleleí.