Ko hono fakaʻuhingaʻi fakakātoá ko ha meʻaʻofa ia ʻo e mālohi pe fakakoloaʻi mei he ʻOtuá. ʻOku lava ʻe he kāingalotu taau mo feʻunga ʻo e Siasí ʻo maʻu ha meʻaʻofa ʻo e mālohi tuʻunga ʻi he ngaahi ouau ʻi he temipalé ʻa ia ʻoku foaki ai kiate kinautolu ʻa e fakahinohino mo e ngaahi fuakava ʻo e Lakanga Fakataulaʻeiki Toputapú ʻa ia ʻoku nau fie maʻu ke nau lava ai ʻo maʻu ʻa e hakeakiʻí. ʻOku kau ʻi he ʻenitaumení ʻa e fakahinohino ʻoku kau ki he palani ʻo e fakamoʻuí.