ʻIvi

Ko e ʻuluaki fefine ia ke moʻui ʻi he māmani ko ʻení (Sēnesi 2:21–25; 3:20). Ko e uaifi ia ʻo ʻĀtamá. Ko hono ʻuhinga ʻo e hingoa ko ʻení ʻi he lea faka-Hepeluú ko e “moʻui.” Naʻe fakahingoa peheʻi ia koeʻuhí he ko e “faʻē ia ʻa e kakai moʻui kotoa pē” (Mōsese 4:26). Te ne maʻu fakataha mo ʻĀtama, ko e ʻuluaki tangatá, ʻa e nāunau taʻengata koeʻuhi ko hona fatongia ʻi hono fakahoko ʻo e fakalakalaka taʻengata ʻa e faʻahinga kotoa ʻo e tangatá.