Hesekaia

Ko ha tuʻi māʻoniʻoni ia ʻo e puleʻanga ʻo Siutá ʻi he Fuakava Motuʻá. Naʻa ne pule ʻi ha taʻu ʻe uofulu mā hiva, lolotonga ia ʻa e taimi naʻe hoko ai ʻa ʻĪsaia ko e palōfita ʻi Siutá (2 Ng. Tuʻi 18–20; 2 Fkmtl. 29–32; ʻĪsaia 36–39). Naʻe tokoniʻi ia ʻe ʻĪsaia ʻi hono liliu fakafoʻou ʻo e siasí mo e puleʻangá. Naʻá ne hanga ʻo taʻofi ʻa e tauhi tamapuá pea toe kamata ʻa e ngaahi ngāue fakatemipalé. Naʻe toe fakalōloaʻi ʻa e moʻui ʻa Hesekaiá ʻaki ha taʻu ʻe hongofulu mā nima tuʻunga ʻi he lotu mo e tui (2 Ng. Tuʻi 20:1–7). Naʻe tuʻumālie ʻa e konga ki muʻa ʻo ʻene pulé, ka naʻe hoko ʻene angatuʻu ki he tuʻi ʻo ʻAsiliá (2 Ng. Tuʻi 18:7) ko ha meʻa ke tupu ai hano ʻohofi tuʻo ua ia ʻe he kakai ʻAsiliá, pea ʻoku fakamatalaʻi ʻa e ʻuluaki ʻohofí ʻi he ʻĪsaia 10:24–32, pea ko e ʻohofi hono uá ʻi he 2 Ng. Tuʻi 18:13–19:7. Naʻe hanga ʻe ha ʻāngelo ʻa e ʻEikí ʻo fakahaofi ʻa Selusalema ʻi hono ʻohofi tuʻo uá (2 Ng. Tuʻi 19:35).