ʻIsipite

Ko ha fonua ʻi he tuliki fakatokelau hihifo ʻo ʻAfiliká. ʻOku mamate mo maomaonganoa ha konga lahi ʻo ʻIsipite. ʻOku nofo ʻa e tokolahi ʻo e kakai ʻo e fonuá ʻi he Teleʻa Nailá, ʻa ia ʻoku maile ʻe 550 (kilomita ʻe 890) hono lōloá.

Naʻe koloaʻia mo tuʻumālie ʻa ʻIsipite ʻi he kuonga muʻá. Naʻe langa mo fai ai ha ngaahi ngāue lalahi, kau ai ʻa e ngaahi kanali ki hono fuʻifuʻi ʻo e kelekelé; ngaahi kolo mālohi ki he maluʻi; mo e ngaahi maka fakamanatu fakatuʻi kae tautautefito ki he ngaahi fonualoto pilamití mo e ngaahi temipalé, ʻa ia ʻoku kei kau ʻi he ngaahi meʻa fakaofo ʻo e māmaní. Naʻe ʻi ai ʻa e taimi ʻe taha naʻe hoko ʻa e puleʻanga ʻo ʻIsipité ko ha faʻifaʻitaki ki he hokohoko fakapēteliake ʻo e lakanga fakataulaʻeikí (ʻĒpa. 1:21–27).

Naʻe tataki ʻa ʻĒpalahame mo Siosefa ki ʻIsipite ke fakahaofi hona fāmilí mei he honge, Sēnesi 12:10 (Sēnesi 37:28).
Naʻe fakatau atu ʻa Siosefa ki ʻIsipite, Sēnesi 45:4–5 (1 Nīfai 5:14–15).
Naʻe tataki atu ʻa Sēkope ki ʻIsipite, Sēnesi 46:1–7.
Naʻe tataki atu ʻe Mōsese ʻa e fānau ʻa ʻIsilelí mei ʻIsipite, ʻEke. 3:7–10; 13:14 (Hepelū 11:27; 1 Nīfai 17:40; Mōsese 1:25–26).
ʻOku fakataipe ʻe ʻIsipite ʻa e koví, ʻIsikeli 29:14–15 (Hōsea 9:3–7; ʻĒpa. 1:6, 8, 11–12, 23).