ʻUluaki Mata Meʻa-hā-maí

Ko e hā mai ʻa e ʻOtua ko e Tamaí mo Hono ʻAlo ko Sīsū Kalaisí ki he Palōfita ko Siosefa Sāmitá ʻi ha vao ʻakaú.

ʻI he faʻahitaʻu matala ʻo e 1820, ʻi he taʻu hongofulu mā nima ʻo Siosefa Sāmita ko e Siʻí. Naʻá ne nofo mo hono fāmilí ʻi he kiʻi kolo ko Palemaila, ʻi Niu ʻIoke. Naʻe tuʻu ha vao ʻo e ngaahi ʻakau lalahi ʻo kiʻi mamaʻo siʻi atu pē mei he ʻapi ʻo e fāmilí. Naʻe ʻalu atu ʻa Siosefa ki he feituʻu ko iá ke lotu ki he ʻOtuá ke ne ʻiloʻi pe ko e fē ʻa e siasi ʻoku moʻoní. Naʻá ne ongoʻi ʻi haʻane lau ʻa e Tohi Tapú kuo pau ke ne kumi ki ha tali mei he ʻOtuá (Sēmisi 1:5–6). Naʻe tali mai ʻa ʻene lotú ʻi he hā mai ʻa e Tamaí mo e ʻAló kiate ia ʻo fakahā ange kiate ia ke ʻoua naʻa kau ki ha taha ʻo e ngaahi siasi ʻi he māmaní ʻi he taimi ko iá, he ʻoku nau hala kotoa pē (SS—H 1:15–20). Naʻe kamata ʻi he meʻa toputapu ko ʻení ha ngaahi meʻa naʻe tupu ai hono Fakafoki Mai ʻo e Ongoongoleleí mo e Siasi moʻoni ʻo Kalaisí.