Hapakuki
Ko ha palōfita ʻi he Fuakava Motuʻá ʻi Siuta ʻa ia naʻá ne lea ʻo kau ki he fai angahala ʻa e kakaí, mahalo ʻi he lolotonga ʻa e pule ʻa e tuʻi ko Sihoiakimí (fakafuofua ki he 600 K.M.)
Ko e tohi ʻa Hapakukí
Ko e vahe 1 ko ha fefolofolai ia ʻa e ʻEikí mo ʻEne palōfitá, pea ʻoku faitatau ia mo e Selemaia vahe 12 mo e Tokāteline mo e Ngaahi Fuakava 121. Naʻe hohaʻa ʻa e loto ʻo Hapakukí ʻi he hangē ʻoku tuʻumālie pē ʻa e kau fai angahalá ia. Naʻe folofola mai ʻa e ʻEikí ʻi he vahe 2 ʻo naʻinaʻi kia Hapakuki ke kātaki pē—kuo pau ke ako ʻa e kau angatonú ke nau moʻui ʻo fakatatau ki he tuí. ʻOku tohi ʻi he vahe 3 ʻa e lotu ʻa Hapakuki ʻa ia naʻá ne fakahā ai ʻa e fakamaau totonu ʻa e ʻOtuá.