¶ 1 TEU tuu i he eku leo, beau nofo i hoku fale leo, bea teu leo ke ilo be koeha te ne folofola mai kiate au, bea koeha teu tali aki oka valoki‘i au.

2 Bea nae folofola a Jihova kiate au, o behe, Tohi ae mea ha mai, bea fai ke ilogofua ia i he gaahi balebale, koeuhi ke faa lele eia oku ne lau ia.

3 He oku tuku ae mea ha mai ki ha kuoga kuo kotofa, bea e lea ia i he gataaga, ka e ikai loi: kabau oku tuai ia, tatali ki ai, koeuhi e hoko mooni ia, e ikai tuai ia.

4 Vakai, koia oku hiki hake a hono laumalie, oku ikai agatonu ia iate ia: ka koe tonuhia e moui i he ene tui.

¶ 5 Koe mooni, hage koe tagata oku agahala i he uaine, oku fielahi ia, bea oku ikai nofo mau i hono abi: oku ne fakalahi ene holi o hage koe faitoka, bea tatau moe mate, bea oku ikai ke makona, ka oku tanaki kiate ia ae gaahi buleaga kotoabe, bea oku fokotuu ki ai ae kakai kotoabe:

6 E ikai too hake ekinautolu ni kotoabe ae lea fakatātā kiate ia, bea moe lea taukae kiate ia, o behe, Ke malaia kiate ia oku fakalahi aki aia oku ikai aana! e fefe hono fuoloa? bea kiate ia oku fakamamafa aki eia ae umea matolu!

7 Ikai e tuu hake fakafokifa akinautolu o uuji koe, bea a aia e fakaita‘i koe, bea e hoko koe koe vetea kiate kinautolu?

8 Koeuhi kuo ke fakamalohi ki he gaahi buleaga lahi, e fakamalohi‘i koe e he toega kotoabe oe kakai; koeuhi koe toto oe kakai, moe fakamalohi ki he fonua, moe kolo, mo kinautolu kotoabe oku nofo ai.

9 Ke malaia kiate ia oku manumanu ki he koloa kovi ki hono fale, koeuhi ke ne gaohi hono bunuga i he maoluga, koeuhi ke fakahaofi ia mei he malohi oe kovi!

10 Kuo ke filioi ae fakama ki ho fale i he tuuji oe kakai toko lahi, bea kuo ke agahala ki ho laumalie.

11 E tagi ae maka mei he a, bea e tali ia e he akau alaga fale.

¶ 12 Ke malaia kiate ia oku laga ae kolo aki ae toto, bea fokotuu ae kolo i he agahala!

13 Vakai, ikai oku mei a Jihova oe gaahi kau tau, ae gaue ae kakai ma ae afi be, bea moe fakamamahi‘i ae kakai ekinautolu i he vaiga mooni?

14 Koeuhi e fakafonu a mamani i he ilo ki he nāunāu o Jihova, o hage oku ufiufi ae kiliji tahi e he gaahi vai.

¶ 15 Ke malaia kiate ia oku ne atu ae inu kona ki hono kaugaabi, akoe oku tuku hoo hina kiate ia, bea ke fakakona foki ia, koeuhi ke ke jio ki he e nau telefua!

16 Kuo fakabito aki koe ae fakama ko ho nāunāu: ke ke inu foki, bea e buke koe i he tetetete moe ofo lahi: e atu kiate koe ae ibu mei he nima toomatau o Jihova, bea e fakalielia‘i ho nāunāu.

17 Koeuhi e ufiufi koe e he malohi o Lebanoni, moe fakamalohi‘i oe faga manu, aia nae fakamanavahe‘i akinautolu; koeuhi koe toto oe kakai, bea koeuhi koe fakamalohi i he fonua, moe kolo, mo kinautolu kotoabe oku nofo ai.

¶ 18 Koeha hono aoga oe fakatātā kuo ta, koeuhi ke ta ia e he tufuga oia; be koe fakatātā haka, moe akonaki loi, koeuhi oku falala ae tufuga ki he ene gaue, ke ne gaohi ae gaahi tamabua noa?

19 Ke malaia kiate ia oku behe ki he akau, Ke a; be ki he maka noa, Tuu hake; e akonaki ia! Vakai, oku ufiufi aki ia ae koula, moe siliva, bea oku ikai aubito ha mānava i loto iate ia.

20 Ka oku i hono afioaga tabu a Jihova: tuku ke logo be a mamani kotoabe i hono ao.