Koe Tohi a Isaia

Ngaahi Folofolá

Fuakava Motuʻá

Ngaahi Fakahokohokó
Peesi Talamuʻakí
Jenesi
Ekesotosi
Levitiko
Nomiba
Teutalonome
Josiua
Koe Kau Fakamau
Lute
Ⅰ. Samuela
Ⅱ. Samuela
Ⅰ. Koe Gaahi Tu‘i
Ⅱ. Koe Gaahi Tu‘i
Ⅰ. Koe Tohi Fakamatala Mea Hokohoko
Ⅱ. Koe Tohi Fakamatala Mea Hokohoko
Koe Tohi a Esela
Koe Tohi a Nehemaia
Koe Tohi a Eseta
Koe Tohi a Jobe
Koe Gaahi Same
Koe Gaahi Lea Fakatātā
Koe Tohi ae Tagata Malaga *
Koe Hiva a Solomone
Koe Tohi a Isaia
Koe Tohi a Jelemaia
Koe Tagilaulau a Jelemaia
Koe Tohi a Isikieli
Koe Tohi a Taniela
Koe Tohi a Hosea
Koe Tohi a Joeli
Koe Tohi a Amosi
Koe Tohi a Obataia
Koe Tohi a Jona
Koe Tohi a Maika
Koe Tohi a Nehumi
Koe Tohi a Habakuki
Koe Tohi a Sefanaia
Koe Tohi a Hakeai
Koe Tohi a Sakalaia
Koe Tohi a Malakai

Koe Tohi a Isaia

Vahe 1
1 Oku lāuga a Isaia i he agatuu a Juta. 5 Bea tagi ia i ke e nau mamahi. 10 Oku ne valoki‘i e nau gaue kotoabe. 16 Oku ne eginaki aki ae gaahi talaofa mo ne fakailo ae houhau ke nau fakatomala. 21 I he ene mamahi koeuhi koe nau agakovi, oku ne fakaha ae gaahi fakamāu ae Otua. 25 Oku ne fakailo ae ofa, 28 mo ne fakaha ae fakaauha ki he agakovi.
Vahe 2
1 Oku kikite a Isaia ki he hoko mai ae buleaga o Kalaisi. 6 Oku liaki e he Otua koeuhi koe agakovi. 18 Oku ne eginaki ke manavahe, koeuhi koe gaue malohi oe mafimafi ae Otua.
Vahe 3
1 Koe maveuveu lahi oku hoko i he agahala. 9 Koe bauu ae kakai. 12 Koe fakamalohi moe manumanu ae kau bule. 16 Koe gaahi tautea e hoko koeuhi koe laukau ae kakai fefine.
Vahe 4
I he kovi lahi, e hoko ae bule o Kalaisi koe hufaga.
Vahe 5
1 Oku fakaha e he Otua i he lea fakatātā ki he goue vaine oku totonu a ene tautea fakamamahi. 8 Ko ene tautea ki he manumanu, 11 moe holi kovi, 13 moe agakovi, 20 bea moe fai tae totonu. 26 Koe gaahi mea oku tautea aki e he Otua.
Vahe 6
1 Koe ha mai ae nāunāu o Jihova kia Isaia. 5 Oku manavahe ai ia, bea fakamalohi ia ki he ene gaue. 9 Oku ne fakaha ae baogataa ae kakai ki he e nau malaia. 13 Koe toega kakai e moui.
Vahe 7
1 Oku fakafiemalie‘i e Isaia a Ahasi, i he ene bubutuu i he manavahe kia Lesini mo Beka. 10 Kuo tuku kia Ahasi ke fili ha fakailoga, ka i he ene fakafijiga ki ai, naa ne ma‘u ae fakailoga, koe talaofa kia Kalaisi. 17 Oku fakaha e ha‘u hono tautea mei Asilia.
Vahe 8
1 Oku ne kikite ia Maha‐sala‐hase‐base, e fakavaivai‘i a Silia mo Isileli e Asilia. 5 Bea mo Juta foki koe mea i he e nau taetui. 9 Oku ikai faa taofi ae gaahi tautea ae Otua. 11 E fiemalie akinautolu oku manavahe ki he Otua. 19 E lahi ae mamahi ki he kau tauhi tamabua.
Vahe 9
1 Koe fiefia i he lolotoga ae mamahi, i he bule moe alo‘i o Kalaisi. 8 Koe tautea ki Isileli koeuhi koe nau fielahi, 13 moe nau malualoi, 18 bea me ho nau loto fefeka.
Vahe 10
1 Koe malaia ae kau bule kakaha. 5 Ko Asilia, koe mea ta ki he kau malualoi, e mafejifeji ia koeuhi ko ene laukau. 20 E fakamoui hono toe o Isileli. 24 Oku fakafiemalie‘i a Isileli i he fakaha a hono fakamoui mei Asilia.
Vahe 11
1 Koe buleaga fakamelino oe vaa mei he aka o Jese. 10 Koe toe omi a Isileli, moe ui oe kakai Jenitaile.
Vahe 12
Koe fakafetai fakafiefia ae agatonu i he gaahi aloofa ae Otua.
Vahe 13
1 Oku tanaki e Jihova ae gaahi kogakau o hono houhau. 6 Oku ne fakamana‘i ke fakaauha a Babilone aki ae kakai o Mitia. 19 Koe fakaauha o Babilone.
Vahe 14
1 Koe aloofa fakamoui ae Otua kia Isileli. 4 Koe nau vikiviki fiefia ki Babilone. 24 Koe tuutuuni ae Otua ki Asilia. 29 Oku fakamana ki Filisitia.
Vahe 15
Koe malaia o Moabe.
Vahe 16
1 Oku eginaki kia Moabe ke talagofua ki he bule a Tevita. 6 Oku fakamana‘i a Moabe koeuhi ko ene laukau. 9 Oku ofa mamahi ae balofita kiate ia. 12 Koe fakamāu a Moabe.
Vahe 17
1 Oku fakamana‘i a Silia mo Isileli. 6 E liaki ae tauhi tamabua e he toe oe kakai. 9 E fakamamahi‘i hono toe koeuhi koe nau aga taelotu. 12 Koe malaia ae gaahi fili o Isileli.
Vahe 18
1 E fakaauha e he Otua ae kakai Itiobea i he ene ofa ki hono kakai. 7 Koia e hoko ai ae ului ki he jiaji.
Vahe 19
1 Koe maveuveu o Ijibite. 11 Koe vale o ho nau houeiki. 18 Koe ui o Ijibite ki he jiaji. 23 Koe fefuakavaaki a Ijibite, mo Asilia, mo Isileli.
Vahe 20
Koe fakatātā oku fakaha ae bobula lahi a Ijibite mo Itiobea.
Vahe 21
1 I he mamahi ae balofita i he bobula a hono kakai, oku ne mamata i he mea ha mai ki he fakahiga o Babilone e he kakai Mitia moe kakai o Besia. 11 I he fehia a Itomi ki he balofita, oku ue‘i ia ki he fakatomala. 13 Koe kuoga kuo kotofa ki he mamahi o Alebea.
Vahe 22
1 Oku mamahi ae balofita i he tau‘i a Jelusalema e he kakai o Besia. 8 Oku ne valoki‘i ho nau boto fakatagata moe fiefia fakamāma. 15 Oku ne kikite ki he majiva o Sebina. 20 Bea ko hono fetogi ko Iliakimi, o ne fakatātā ki he buleaga o Kalaisi.
Vahe 23
1 Koe fakaauha mamahi o Taia. 17 Koe nau foki mamahi mai.
Vahe 24
1 Koe tautea fakamamahi mei he Otua ki he fonua. 13 Koe toega kakai e fakamalo kiate ia i he fiefia. 16 Koe Otua te ne hakeaki‘i hono buleaga.
Vahe 25
1 Oku fakamalo ki he Eiki e he balofita, koeuhi ko ene gaahi fakamāu, 6 bea ki hono gaahi tabuaki fakamoui, 9 bea koeuhi ko ene fakamoui lahi mo malohi.
Vahe 26
1 Koe hiva ke laga‘i ae faaki ki he Otua, 5 koeuhi ko ene gaahi tautea, 12 bea mo ene ofa ki hono kakai. 20 Koe eginaki ke tatali ki he Otua.
Vahe 27
1 Koe tokaga ae Otua ki he ene goue vaine. 7 Oku fai kehekehe a ene takitala mo ene gaahi tautea. 12 Koe jiaji oe Jiu moe Jenitaile.
Vahe 28
1 Oku fakamana‘i e he balofita a Ifalemi i he e nau laukau moe kona. 5 E tubu kimua hono toe i he buleaga o Kalaisi. 7 Oku ne valoki e nau hala, 9 moe nau tae fie ako, 14 moe nau fakafiemalie. 16 Koe fakaha o Kalaisi koe tuuga mooni. 18 E ahiahi‘i ho nau malohi. 25 Oku ue‘i akinautolu ke tokaga ki he tauhi lelei ae Otua.
Vahe 29
1 Koe tautea mamafa ae Otua ki Jelusalema. 7 Ae tae fiu a hono gaahi fili. 9 Koe vale, moe malualoi lahi oe kakai Jiu. 18 Koe talaofa oe fakamaa ki he aga fakaotua.
Vahe 30
1 Oku valoki e he balofita ae kakai i he e nau faaki ki Ijibite o tae tokaga ki he folofola ae Otua. 18 Koe aloofa ae Otua ki hono jiaji. 27 Koe houhau oe Otua, moe fiefia ae kakai i he fakaauha o Asilia.
Vahe 31
1 Oku fakaha e he balofita ae vale moe tuutamaki oe faaki ki Ijibite, ka e liaki ae Otua. 6 Oku ne eginaki ke liliu. 8 Oku ne fakaha ae higa o Asilia.
Vahe 32
1 Koe gaahi tabuaki oe buleaga o Kalaisi. 9 Oku fakaha ae fakaauha. 15 Oku fakailo e hoko ae fakamoui.
Vahe 33
1 Koe houhau oe Otua ki he gaahi fu‘i oe jiaji. 13 Koe monuia oe agafakaotua.
Vahe 34
1 Koe gaahi tautea oku tautea aki e he Otua ae gaahi fili o hono jiaji. 11 Koe auha o hono gaahi fili. 16 Ko hono mooni oe kikite ni.
Vahe 35
1 Koe monuia fakafiefia oe buleaga o Kalaisi. 3 Oku ma‘u ae tokoni e he vaivai i he lelei moe tabuaki oe ogoogolelei.
Vahe 36
1 Oku tau a Senakalibe ki Juta. 4 Oku fekau atu a Labisake e Senakalibe, bea i he gaahi kākā oku ne fakaloto‘i ae kakai ke nau agatuu. 22 Oku fakaha ene gaahi lea kia Hesekaia.
Vahe 37
1 I he mamahi a Hesekaia oku ne fekau kia Isaia ke hufia akinautolu. 6 Oku fakafiemalie‘i akinautolu e Isaia. 8 I he alu a Senakalibe ke tau‘i a Tilaka, oku ne atu ae tohi kabekabe kia Hesekaia. 14 Koe lotu a Hesekaia. 21 Koe kikite a Isaia ki he laukau moe fakaauha o Senakalibe, bea moe lelei o Saione. 36 Oku ta‘i e he agelo ae kau tau o Asilia. 37 Oku tamate‘i a Senakalibe e hono ogo foha i Ninive.
Vahe 38
1 I he ma‘u e Hesekaia ae tala ke ne mate, oku fakatolotologa ene moui i he ene lotu. 8 Oku foki ki mui ae laa koe fakamooni oe talaofa koia. 9 Ko ene hiva fakafetai.
Vahe 39
1 Koe fekau o Melotaki‐balatani, ke aahi kia Hesekaia koeuhi koe mea mana, bea oku fakaha kiate ia a ene koloa. 3 I he ilo ia e Isaia, oku ne fakaha ae fakabobula i Babilone.
Vahe 40
1 Koe fakaha ae ogolelei. 5 Koe malaga a Jone Babitaiso. 9 Koe malaga ae kau abosetolo 12 Koe balofita i he mafimafi ae Otua, 18 bea mo ene lelei lahi taha, 26 oku ne fakafiemalie‘i ae kakai.
Vahe 41
1 Oku ako e he Otua ki hono kakai, i he ene aloofa ki hono jiaji, 10 mo ene gaahi talaofa, 21 bea ki he vaiga oe gaahi tamabua.
Vahe 42
1 Koe gaue a Kalaisi, kuo teu aki ia ae agavaivai moe loto mau. 5 Koe talaofa ae Otua kiate ia. 10 Koe eginaki ke fakamalo ki he Otua koeuhi koe ogoogolelei. 17 Oku ne valoki ae kakai i he e nau tae tui.
Vahe 43
1 Oku fakafiemalie‘i e Jihova ae jiaji aki ene gaahi talaofa. 8 Oku ne tala ki he kakai ke nau fakamooni ki he ene mafimafi. 14 Oku ne fakaha kiate kinautolu ae fakaauha a Babilone, 18 bea fakamanavahe a ene fakamoui a hono kakai. 22 Oku ne valoki ae kakai i he e nau kovi lahi.
Vahe 44
1 Oku fakafiemalie‘i e he Otua jiaji aki ene gaahi talaofa. 7 Koe vaiga ae gaahi tamabua, 9 moe vale okianutolu oku gaohi tamabua. 21 Oku ne eginaki ke fakamalo ki he Otua koeuhi ko ene huhui mo ene mafimafi.
Vahe 45
1 Oku ui ae Otua kia Kolesi koeuhi ko hono jiaji. 5 Oku ne fekau ke talagofua koe mea i he ene mafimafi. 20 Oku ne fakamooni ae vaiga oe gaahi tamabua aki hono malohi fakamoui.
Vahe 46
1 Nae ikai faa fakamoui akinautolu ae gaahi tamabua o Babilone. 3 Oku fakamoui e he Otua a hono kakai o a‘u ki he gataaga. 5 Oku ikai tatau ae gaahi tamabua moe malohi oe Otua, 12 be ki he fakamoui ni.
Vahe 47
1 Koe fakamāu ae Otua ki Babilone mo Kalitia, 6 koeuhi koe nau tae ofa, 7 moe laukau, 10 moe nau fakafeiloaki, 11 bea e ikai faa taofi ia.
Vahe 48
1 Nae fakaha e he Otua ene gaahi kikite ke fakailo hi he kakai ae nau agatuu, naa ne muaki afio‘i. 9 Oku ne fakamoui akinautolu koeuhi ko ene afio. 12 Oku ne eginaki ke nau talagofua koeuhi ko hono malohi mo ene bule‘i. 16 Oku ne mamahi i he e nau fakatoubiko‘i. 20 Oku ne fakamoui hono kakai mei Babilone i he ene mafimafi.
Vahe 49
1 I he fekau a Kalaisi ki he kakai Jiu, oku ne lāuga kiate kinautolu. 5 Oku fekau ia moe gaahi talaofa lelei ki he kakai Jenitaile. 13 Oku taegata ae ofa ae Otua ki hono jiaji. 18 Koe toe laga oe jiaji ki hono muaki lelei. 24 Koe fakamoui lahi mei he nofo fakabobula.
Vahe 50
1 Oku fakaha e Kalaisi koe liaki oe kakai Jiu oku ikai totonu ke tuku kiate ia. 2 Ko ene faa fakamoui. 5 Ko ene talagofua i he gaue koia, 7 bea i he ene faaki ki he tokoni koia. 10 Koe eginaki ke falala ki he Otua, kae ikai kiate kitautolu.
Vahe 51
1 Koe eginaki, ke falala kia Jisu o hage ko Ebalahame, 3 koeuhi ko ene gaahi talaofa lelei, 4 mo ene fakamoui maonioni, 7 moe mategofua ae tagata. 9 Oku fakahaofi e Kalaisi aki hono nima maonioni a hono kakai mei he manavahe ki he tagata. 17 Oku ne mamahi i he gaahi mamahi o Jelusalema, 21 bea oku ne fakailo ae fakamoui.
Vahe 52
1 Oku fakaloto‘i e Kalaisi ae jiaji ke tui ki hono huhui lahi. 7 Ke ma‘u ae kau faifekau oia. 9 Ke fiefia i hono malohi oia, 11 bea ke fakahaofi akinautolu mei he fakabobula. 13 E hakeaki‘i ae buleaga o Kalaisi.
Vahe 53
I he lāuga ae balofita ki he tae tui, oku ne fakaha ae gaahi mamahi o Kalaisi bea mo hono mahuiga oia.
Vahe 54
1 Koeuhi ke fiemalie ae Jenitaile, oku kikite ae balofita ki hono lahi oe jiaji, 4 moe nau nofo malu, 6 moe mooni oe nau hao mei he mamahi, 11 moe uau tubu kimua, 15 mo ho nau fakahaofi mooni.
Vahe 55
1 Oku ako e he balofita, aki ae gaahi talaofa a Kalaisi, ki he tui, 6 bea ki he fakatomala. 8 Koe monuia okinautolu oku tui.
Vahe 56
1 Oku eginaki ae balofita ki he maonioni. 3 Oku fakailo e mafola ia i he tae filifilimanako ki he tagata. 9 Oku ne valoki ae hau leo oku kui.
Vahe 57
1 Oku monuia ae bekia oe maonioni. 3 Oku valoki e he Otua ae kakai Jiu i he e nau fai hala i he tauhi tamabua. 13 Oku ne fakailo ae aloofa ki ke kakai oku fakatomala.
Vahe 58
1 I he fekau ae batofita ke valoki ae malualoi, 3 oku fakaha ae aukai loi moe aukai mooni. 8 Oku ne fakaha ae gaahi talaofa oku oe aga fakaotua, 13 bea ki he tauhi ae aho tabu.
Vahe 59
1 Koe aga fakamalaia oe agahala. 3 Koe gaahi agahala ae kakai Jiu. 9 Koe tuutamaki oku tubu mei he agahala. 16 Oku i he Otua be ae fakamoui. 20 Ae fuakava oe Huhui.
Vahe 60
1 Koe lelei oe jiaji i hono fakatokolahi aubito mei he kakai Jenitaile, 15 bea moe gaahi tabuaki lahi hili ae mamahi fuonounou.
Vahe 61
1 Koe gaue a Kalaisi. 4 Ae tuu kimua, 7 moe gaahi tabuaki oe kakai tui.
Vahe 62
1 Koe holi fakamatoato ae balofita ke fokotuu mau ae jiaji i he gaahi talaofa ae Otua. 5 Koe gaue ae kau faifekau (aia oku ue‘i akinautolu ki ai) i he malaga aki ae ogoogolelei, 10 moe teu‘i ae kakai ki ai.
Vahe 63
1 Oku fakaha e Kalaisi a ene afio, 2 mo ene lava‘i hono gaahi fili, 7 bea mo ene aloofa ki hono jiaji. 10 I hono houhau totonu oku ne manatu ki he ene aloofa lahi. 15 Oku fakaha e he jiaji a ene tui i he ene hu mo ene lāuga.
Vahe 64
1 Oku hu ae jiaji ke ha ae malohi oe Otua. 5 I ke manatu ki he aloofa oe Otua, oku fakaha ia ae kovi oe loto tae liliu. 9 Oku lāuga ia i he e nau mamahi.
Vahe 65
1 Koe ui oe kakai Jenitaile. 2 Kuo liaki ae kakai Jiu, koe mea i he e nau tae tui, moe lotu ki he tamabua, moe malualoi. 8 Koe toega kakai e moui. 11 Koe gaahi tautea ki he agakovi, moe gaahi tabuaki ki he aga fakaotua. 17 Koe monuia oe Jelusalema foou.
Vahe 66
1 Ke tauhi ae Otua lagilagi i he agavaivai moe mooni. 5 Oku ne fakafiemalie ki he agavaivai aki ae toutagata fakaofo, 10 bea moe gaahi tabuaki ki he jiagi. 15 Koe fakamāu majila ae Otua ki he kakai agahala. 19 E ma‘u e he Jenitaile ae jiaji maonioni, 24 bea te nau mamata ki he fakamalaia oe kakai agahala.