¶ 1 E MALAIA akinautolu oku alu hifo ki Ijibite ke kumi ae tokoni; bea faaki ki he faga hose, mo falala ki he gaahi saliote, koeuhi oku nau toko lahi; bea i he kau tagata heka hose, koeuhi oku nau malohi aubito; ka oku ikai te nau vakai ki he Toko Taha Maonioni o Isileli, be kumi kia Jihova!

2 Ka oku ne boto foki mo ia, bea te ne fakahoko mai ae kovi, bea e ikai fakafoki ene gaahi folofola: ka te ne tuu hake ki he fale oe fai kovi, bea kiate kinautolu oku tokoni ki he kau fai kovi.

3 Koeni, koe tagata be ae kau Ijibite, ka oku ikai koe Otua; bea koe kakano be ae nau faga hose, ka oku ikai ke laumalie. Oku mafao atu e Jihova hono nima, e higa ia aia nae tokoni, bea ko ia nae ma‘u ae tokoni e to ki lalo, bea te na vaivai fakataha.

4 He kuo folofola behe e Jihova kiate au, O hage koe gugulu oe laione moe laione mui i he ene kai, oka fakataha ae kau tauhi kotoabe ke fai mo ia, e ikai te ne manavahe ki ho nau le‘o, be fakavaivai ia koeuhi ko ho nau toko lahi: e behe ae haele hifo a Jihova oe gaahi kau tau ke fai ae tau, ma ae mouga ko Saione, bea mo hono tafugofuga.

5 O hage koe buna ae faga manu, e fakahaofi behe e Jihova oe gaahi kau tau a Jelusalema: i he ene malu‘i te ne fakamoui ia; bea i he ene haele atu te ne fakahaofi ia.

¶ 6 Tafoki akimoutolu kiate ia aia kuo agatuu aubito ki ai ae fānau a Isileli.

7 Bea i he aho koia e liaki e he tagata kotoabe ene gaahi tamabua siliva, bea mo ene gaahi tamabua koula, aia kuo gaohi e ho mou nima kiate kimoutolu koe agahala.

¶ 8 Bea e toki to ae tagata Asilia i he heleta, kae ikai o ha tagata malohi; bea e kai ia e he heleta, kae ikai o ha tagata mea vale: ka te ne hola mei he heleta, bea e vaivai ene kau talavou.

9 Bea i he manavahe te ne alu ki hono botu malohi, bea e manavahe hono gaahi houeiki ki he fuka, oku behe e Jihova, aia oku i Saione ene afi, bea oku i Jelusalema ene gotoumu vela.