¶ 1 KOE tala mamafa oku kau ki he toafa oe tahi. O hage oku aji i he feituu toga ae gaahi ahiohio; oku behe ae ha‘u ia mei he toafa, mei he fonua fakamanavahe.

2 Oku fakaha mai kiate au ae mea ha mai fakamanavahe; oku fai kākā e he kākā, bea kuo veteki eia oku vete. E Ilami, ke ke alu hake: E Mitia, ke ke fai ae kabui; he kuou fakaoji ene gaahi mamahi kotoabe.

3 Koia kuo fonu ai i he mamahi hoku koga loto: kuo kuku au e he mamahi, o hage koe mamahi ae fefine oku laga: naaku mabelu i he fanogo ki ai; bea neu manavahe i he jio ki ai.

4 Oku tateme hoku mafu, oku ilifia i he manavahe: kuo ne liliu ae bo o eku fiefia koe manavahe kiate au.

5 Teuteu ae keinagaaga, leo i he fale leo, bea kai, mo inu: mou tuu hake ae gaahi houeiki, bea tākai ae fakaū.

6 He kuo behe ae folofola a Jihova kiate au, Alu, o fakanofo ha tagata leo, ke ne fakaha aia oku ne mamata ki ai.

7 Bea naa ne mamata ki he saliote moe ogo tagata heka hosi, koe saliote moe gaahi asi, bea moe saliote moe faga kameli; bea naa ne fanogo i he tokaga lahi:

8 Bea naa ne kalaga, o hage koe laione: Ko hoku Eiki, oku ou tuu mau ai be i he fale leo i he aho, bea oku ou nofo i hoku botu leo i he gaahi bo kotoabe:

9 Bea, vakai, oku ha‘u ae saliote moe kau tagata, moe ogo tagata heka hose. Bea naa ne lea o behe mai, Kuo higa a Babilone, kuo higa; bea kuo ne laiki ki he kelekele ae fakatātā kotoabe o hono gaahi otua oku togi.

10 Oiaue! ae mea kuou haha, bea moe uite o hoku hahaaga: koia kuou fanogo mei a Jihova oe gaahi kau tau, koe Otua o Isileli, ko ia kuou fakaha kiate koe.

¶ 11 Koe tala mamafa oku kau ki Toma. Oku ne ui kiate au mei Seia, Ae tagata leo, oku fefe ae bo? Ae tagata leo, oku fefe ae bo?

12 Nae behe e he tagata leo, Oku ha‘u ae bogibogi, bea moe bo foki: kabau te mou fehui, mou fehui: tafoki, ha‘u.

¶ 13 Koe tala mamafa oku kau ki Alebea. I he vao lahi i Alebea te mou mohe, akimoutolu koe kauga fonoga o Tetanimi.

14 Nae omi e he kakai oe fonua ko Tima ae vai kiate ia nae fieinu, naa nau tokoni aki e nau ma akinautolu nae hola.

15 He naa nau hola mei he gaahi heleta, mei he heleta kuo too, bea mei he kaufana kuo teke, bea moe gaahi mamahi oe tau.

16 He kuo behe ae folofola ae Eiki kiate au, I he teeki ai kakate ha ta‘u e taha, hage koe gaahi ta‘u o ha taha oku gaue kae totogi, e gata o oji ae lelei kotoabe o Keta:

17 Bea e fakatoko jii hono toe oe lau oe kau tagata fana, i he kau tagata malohi oe fānau o Keta: he kuo folofola a Jihova koe Otua o Isileli.