Josiua

Ngaahi Folofolá

Fuakava Motuʻá

Josiua

Vahe 1
1 Oku fakanofo e Jihova a Josiua ke togia a Mosese. 3 Ko hono gataaga oe fonua oe talaofa. 5, 6 Oku talaofa e he Otua ke ne tokoni a Josiua. 8 Oku ne akonaki‘i ia. 10 Oku ne teu‘i ae kakai ke alu ki he kauvai e taha o Joatani. 12 Oku fakamanatu‘i e Josiua ae faahiga e ua moe vaeua oe faahiga ki he e nau lea kia Mosese. 16 Oku nau tala kiate ia te nau fai.
Vahe 2
1 Oku ma‘u e Lehabi ae ogo mataki nae fekau mei Sitimi o ne fufu akinaua. 8 Koe nau fefuakava aki mo ia. 23 Koe na toe ha‘u moe faka matala.
Vahe 3
1 Oku ha‘u a Josiua ki Joatani. 2 Oku akonaki e he kau matābule ki he kakai i he e nau alu. 7 Oku tokoni e Jihova a Josiua. 9 Oku tokoni e Josiua ae kakai. 14 Oku vahe‘i ae vai o Joatani.
Vahe 4
1 Oku fili ae kau tagata e toko hogofulu ma toko ua ke too ae maka e hogofulu ma ua mei Joatani koe mea fakamanatu. 9 Oku fokotuu ae maka e hogofulu ma ua i loto Joatani. 10, 19 Oku aa o oji atu ae kakai. 14 Oku fakahikihiki e he Otua a Josiua. 20 Oku to i Kilikali ae maka e hogofulu ma ua.
Vahe 5
1 Oku manavahe ae kau Kenani. 2 Oku toe fai e Josiua ae hamu. 10 Oku fai ae laka‐atu i Kilikali. 12 Kuo tuku ae mana. 13 Oku ha mai ha Agelo kia Josiua.
Vahe 6
1 Oku tabuni a Jeliko. 2 Oku ako‘i a Josiua e he Otua i hono kabai. 15 Oku a‘i ae kolo. 17 Oku totonu ke fakamalaia‘i ia. 20 Oku higa hono a. 22 Oku fakamoui a Lehabi. 26 Koia e toe laga a Jeliko e malaia.
Vahe 7
1 Koe teia oe kakai Isileli i Ai. 6 Koe mamahi a Josiua. 10 Oku akonaki‘i e he Otua aia te ne fai. 16 Oku ma‘u a Akani i he talotalo. 19 Ko ene vete. 22 Oku fakaauha ia mo ia kotoabe ne ne ma‘u i he luo ko Akoli.
Vahe 8
1 Oku tokoni e he Otua a Josiua. 3 Koe fakakākā aia nae lava‘i ai a Ai. 29 Oku tautau hono tu‘i o ia. 30 Oku laga e Josiua ae feilaulauaga. 32 Oku tohi ae fono i he maka. 33 Oku fakaha atu ae gaahi tabuaki moe gaahi mea malaia.
Vahe 9
1 Oku fakataha ae gaahi tu‘i ke tau‘i a Josiua. 3 Koe kakai o Kibione oku fiemua‘i a Josiua ke lea ke nau moui. 16 Koe fakamāu‘i ai akinautolu ke nau nofo bobula mau ai be.
Vahe 10
1 Oku tau‘i a Kibione e he tu‘i e toko nima. 6 Oku fakahaofi ia e Josiua. 10 Oku tau‘i akinautolu e he Otua aki ae uha maka. 12 Oku tuu mau ae laa moe mahina i he fekau e Josiua. 16 Oku moua ae tu‘i nima i he ana‘i maka. 23 Oku omi akinautolu kitua, bea oku fakavaivai‘i, bea tautau. 28 Koe gaahi tu‘i e toko fitu kuo ikuna. 43 Oku toe liu mai a Josiua ki Kilikali.
Vahe 11
1 Koe gaahi tu‘i nae ikuna i he vai ko Melomi. 10 Oku lava‘i a Hasoa bea tutu. 16 Oku ma‘u e Josiua hono kotoa oe fonua. 21 Oku fakaauha ae kau Anaki.
Vahe 12
1 Koe ogo tu‘i nae ma‘u ho na fonua e Mosese, o tufa. 7 Koe tu‘i e toko tolugofulu ma toko taha nae ta‘i e Josiua i he kauvai e taha o Joatani.
Vahe 13
1 Ko hono gataaga oe fonua nae teeki ikuna. 8 Koe tofia oe faahiga e ua moe toe. 14–33 Ko Jihova moe gaahi feilaulau koe tofia ia o Livai. 15 Ko hono gataaga oe tofia o Lubeni. 22 Kuo teia a Belami. 24 Ko hono gataaga oe tofia a Kata, 29 mo hono vaeuaaga oe faahiga o Manase.
Vahe 14
1 Koe faahiga e hiva moe toe e ma‘u ho nau tofia i he talotalo. 6 Nae ma‘u e Kelebi a Hebeloni hoe mea ofa.
Vahe 15
1 Ko hono gataaga oe tofia o Juta. 13 Ko hono vahega o Kelebi mo ene ikuna. 16 Oku ma‘u e Otinili a Akesa koe ofefine o Kelebi ko hono unoho koe mea i he ene to‘a. 18 Oku ne ma‘u ae tabuaki mei he ene tamai. 21 Koe gaahi holo o Juta. 63 Koe kau Jebusi nae ikai ikuna.
Vahe 16
1 Koe gataaga oe tofia oe faahiga o Josefa. 5 Ko hono gataaga oe tofia o Ifalemi. 10 Oku teeki ikuna ae kau Kenani.
Vahe 17
1 Koe tofia o Manase. 7 Hono gataaga. 12 Oku teeki kabuji ae kau Kenani. 14 Oku ma‘u e he fānau a Josefa ae tofia e taha.
Vahe 18
1 Oku fokotuu ae fale fehikitaki i Sailo. 2 Oku fakaha hono toe oe fonua bea vahe fitu ia. 10 Oku vahe fakatalotalo ia e Josiua. 11 Ko hono tofia o Benijimani mo hono gataaga. 21 Koe nau gaahi kolo.
Vahe 19
1 Koe tofia o Simione. 10 O Sebuloni. 17 O Isaka. 24 O Aseli. 32 O Nafitali. 40 O Tani. 49 Oku foaki e he fānau a Isileli ae tofia kia Josiua.
Vahe 20
1 Oku fekau e he Otua, 7 bea oku fili e he fānau a Isileli ae kolo e ono ke nau hufaga ki ai.
Vahe 21
1 Oku foaki i he talotalo ae kolo e fagofulu ma valu ki he kau Livai e he gaahi faahiga. 43 Oku foaki e he Otua ae fonua moe mālōlō ki he kakai Isileli, o hage ko ene talaofa.
Vahe 22
1 Oku tabuaki ae ogo faahiga moe vaeuaaga oe faahiga, bea tuku ke nau alu ki ho nau abi. 10 Oku nau fokotuu ae eji fakamooni i ho nau hala. 11 Oku ita ai ae kakai Isileli. 21 Oku nau fakafiemalie‘i akinautolu.
Vahe 23
1 Koe akonaki a Josiua i he ene teu ke mate, 3 he gaahi lelei kuo nau ma‘u, 5 i he gaahi talaofa, 11 bea i he gaahi valoki.
Vahe 24
1 Oku fakataha e Josiua ae gaahi faahiga ki Sikemi. 2 Koe tala ae fai lelei ae Otua mei he kuoga o Tela. 14 Oku fakafoou eia ae fuakava iate kinautolu moe Otua. 26 Koe maka fakamooni oe fuakava. 27 Ko hono motua o Josiua, mo ene bekia. 33 Koe bekia a Eliesa.