¶ 1 BEA nae to ae tofia oe fānau a Josefa mei Joatani o ofi ki Jeliko, ki he vai o Jeliko i he botu hahake, o a‘u atu ki he toafa aia oku alu mei Jeliko o alu o aji i he mouga ko Beteli,

2 Bea oku alu ai mei Beteli ki Lusa, o alu ai be ki he gaahi botu fonua o Aliki, mo Ataloti.

3 Bea oku alu hifo i he botu luluga ki he botu o Jafileti, o a‘u ki he gataaga o Bete‐holoni i lalo, bea ki Kesa: bea oku a‘u atu hono gataaga ki he tahi.

4 Bea koe fānau a Josefa ko Manase mo Ifalemi, naa na ma‘u ho na tofia.

¶ 5 Bea ko hono gataaga oe tofia oe fānau a Ifalemi o fakatatau ki ho nau gaahi faahiga nae behe: io ko hono gataaga o ho nau tofia ki he botu hahake nae i Ataloti‐ata, o a‘u atu ki Bete‐holoni i hahake;

6 Bea nae alu atu hono gataaga o haga atu ki tahi ki Mikimeta i he botu tokelau; bea alu ai hono gataaga i he botu hahake ki Tenate‐sailo, bea mole ai i he botu hahake ki Janoa;

7 Bea alu hifo mei Janoa ki Ataloti, bea ki Neelati, o a‘u ki Jeliko, bea gata atu ia ki Joatani.

8 Bea nae alu hono gataaga mei Tabua i he botu luluga o a‘u atu ki he vaitafe ko Kana; bea ko hono gataaga o ia koe tahi. Ko eni ae tofia oe faahiga oe fānau a Ifalemi i ho nau gaahi faahiga.

9 Bea koe gaahi kolo tuu kehe nae tuku ki he fānau a Ifalemi nae i he tofia oe fānau a Manase, ae nau gaahi kolo mo ho nau gaahi botu kakai.

10 Bea nae ikai te nau kabuji kituaa ae kau Kenani, aia nae nofo i Kesa: ka kuo nofo ae kau Kenani fakataha moe kakai Ifalemi, o a‘u ki he aho ni, o nau tauhi mo tukuhau ki ai.