¶ 1 KOE gaahi tu‘i eni oe fonua, aia nae ta‘i e he fānau a Isileli, o nau ma‘u ho nau fonua i he kauvai e taha o Joatani o haga ki he hoboagalaa, mei he vaitafe ko Alanoni o a‘u ki he mouga ko Heamoni, bea moe toafa kotoabe i he botu hahake:

2 Ko Sihoni koe tu‘i oe kau Amoli, aia nae nofo i Hesiboni, bea bule eia mei Aloeli, aia oku i he gutu vaitafe ko Alanoni, bea mei he vaeuagamalie oe vaitafe, bea mei hono vaeuaaga o Kiliati, o a‘u ki he vaitafe ko Jaboki, aia oku i he vee fonua oe fānau a Amoni:

3 Bea mei he toafa ki he tahi o Kineloti i he botu hahake, o a‘u ki he tahi oe toafa, io ae tahi kona i he botu nahake, koe hala ki Bete‐jesimoti: bea mei he botu toga, i lalo i Asitoti‐bisika:

4 Moe gaahi mata fonua o Oki koe tu‘i o Besani, aia nae toe ia i he kakai lalahi, bea nae nofo i Asiteloti, bea ki Etilei,

5 Bea nae bule ia i he mouga ko Heamoni, bea i Salika, bea i Besani kotoabe, o a‘u ki he gataaga oe fonua oe kau Kesuli moe kau Meekati, mo hono vaeuaaga a Kiliati, koe gataaga o Sihoni koe tu‘i o Hesiboni.

6 Nae teia akinautolu e Mosese koe tamaioeiki a Jihova moe fānau a Isileli: bea nae foaki ia e Mosese koe tamaioeiki a Jihova ki he faahiga o Lubeni, moe faahiga o Kata, mo hono vaeuaaga oe faahiga o Manase ko ho nau tofia.

¶ 7 Bea koe gaahi tu‘i eni oe fonua aia nae ta‘i e Josiua moe fānau a Isileli, i he botu ni o Joatani i he luluga, mei Beali‐kata i he telea o Lebanoni o a‘u ki he mouga ko Halaki, aia oku alu hake ki Seia; aia nae foaki e Josiua ki he gaahi faahiga o Isileli ko ho nau tofia o fakatatau ki ho nau gaahi vahe;

8 I he gaahi mouga, bea i he gaahi telea, bea i he gaahi toafa, bea i he gaahi matavai, bea i he vao lahi, bea i he fonua ki he botu toga; koe kau Heti, koe kau Amoli, moe kau Kenani, koe kau Belesi, moe kau Hevi, moe kau Jebusi.

¶ 9 Koe tu‘i o Jeliko, koe taha; koe tu‘i o Ai, aia oku i he botu o Beteli, koe taha;

10 Koe tu‘i o Jelusalema, koe taha; koe tu‘i o Hebeloni, koe taha:

11 Koe tu‘i o Jamuti, koe taha; koe tu‘i o Lakisi, koe taha;

12 Koe tu‘i o Ekeloni, koe taha; koe tu‘i o Kesa, koe taha;

13 Koe tu‘i o Tiba, koe taha; koe tu‘i o Kita, koe taha;

14 Koe tu‘i o Hoama, koe taha; koe tu‘i o Alati, koe taha;

15 Koe tu‘i o Libina, koe taha; koe tu‘i o Atulami, koe taha;

16 Koe tu‘i o Maketa, koe taha; koe tu‘i o Beteli, koe taha;

17 Koe tu‘i o Tabua, koe taha; koe tu‘i o Hefeli, koe taha;

18 Koe tu‘i o Efeki, koe taha; koe tu‘i o Lesaloni, koe taha;

19 Koe tu‘i o Matoni, koe taha; koe tu‘i o Hasoa, koe taha;

20 Koe tu‘i o Similoni‐miloni, koe taha; koe tu‘i o Akisafi, koe taha;

21 Koe tu‘i o Tenaki, koe taha; koe tu‘i o Mikito, koe taha;

22 Koe tu‘i o Ketesi, koe taha; koe tu‘i o Jokiniami o Kāmeli, koe taha;

23 Koe tu‘i o Toa i he botu ko Toa, koe taha; koe tu‘i oe gaahi buleaga o Kilikali koe taha;

24 Koe tu‘i o Tilisa, koe taha: koe gaahi tu‘i kotoabe koe toko tolugofulu ma toko taha.