¶ 1 E AKOE! koe fonua oku lolofa ai ae kabakau, aia oku tuu kitua i he vaitafe o Itiobea:

2 Akoe oku kouna atu ene kau talafekau i he tahi, i he gaahi vaka babai-lusi i he fukahi vai, o behe, Alu, akimoutolu ae kau talafekau vee vave, ki he buleaga loloa mo lafalafa, ki he kakai fakamanavahe talu mei ho nau kāmataga o a‘u ki heni; koe buleaga kuo fua aki ae afo bea faa molomoloki, aia kuo maumau e he gaahi vaitafe!

3 Akimoutolu ae kakai kotoabe o mamani, mo kimoutolu oku nofo i he fuga fonua, mou vakai, oka fokotuu eia ha fuka i he gaahi mouga; bea i he ifi eia ae kelea, mou fanogo.

4 He nae behe e Jihova kiate au, Teu mālōlō, bea teu tokaga‘i hoku fale o hage koe mafana hili ae uha, bea hage ko ha ao oe hahau i he aho oe ututa‘u.

5 I he heeki ai hoko ae ututa‘u, aia oku haohaoa ai hono fua, bea oku fakaaau ke momoho ae kalebi mei hono fiji, te ne fakatou tuuji ae gaahi huli aki ae hele tuuji, bea ave mo tuuji hifo ae gaahi vaa.

6 E tuku fakataha ia ki he manu buna oe gaahi mouga, bea ki he faga manu fekai oe kelekele: koe gaahi manu buna te nau kai ai i he faahita‘u mafana, bea e kai ai ae manu fekai kotoabe oe kelekele i he faahita‘u momoko.

¶ 7 I he kuoga koia e omi kia Jihova oe gaahi kau tau, ae mea foaki mei he fonua loloa mo lafalafa, bea mei he kakai fakamanavahe talu mei ho nau tubuaga o a‘u mai; koe buleaga kuo fua aki ae afo bea faa molomoloki, aia kuo maumau‘i e he gaahi vaitafe; ki he botu oe huafa o Jihova oe gaahi kau tau, ki he mouga ko Saione.