¶ 1 BEA i he aho koia te ke behe, E Jihova, teu fakafetai kiate koe: he ne ogo ne ke houhau, ka kuo ke fakafiemalie‘i au.

2 Vakai, koe Otua ko hoku fakamoui; teu falala, ka e ikai manavahe: he koe Eiki ko Jihova ko hoku malohi ia mo eku hiva; bea kuo hoko foki ia ko hoku fakamoui.

3 Koia te mou utu ae vai i he fiefia mei he gaahi matavai oe moui.

4 Bea i he aho koia te mou behe, Fakafetai kia Jihova, ui ki hono huafa, fakaha ene gaahi gaue i he ao oe kakai, fakamatala kuo hiki hake hono huafa.

5 Hiva kia Jihova; he kuo ne fai ae gaahi mea lelei aubito: oku ilo ia e mamani kotoabe.

6 Kalaga bea mavava i he fiefia, akoe oku nofo i Saione: he oku lahi ae Toko Taha Maonioni o Isileli oku iate koe.