¶ 1 I HE ta‘u nae ha‘u ai a Tatani ki Asitoti, (i he kuoga nae fekau ia e Sakone koe tu‘i o Asilia,) o ne tau‘i a Asitoti, bea lava‘i ia;

2 I he kuoga be koia nae folofola a Jihova kia Isaia koe foha o Amosi, o behe, Alu o vete ae tauagaa mei hoo nootagavala, bea too ae tobuva‘e mei ho va‘e. Bea naa ne fai ia, o eveeva tae ha kofu bea tae tobuva‘e.

3 Bea nae behe e Jihova, O hage kuo eveeva telefua bea tae ha tobuva‘e a eku tamaioeiki ko Isaia i he ta‘u e tolu koe fakailoga moe mea fakaofo ki Ijibite bea ki Itobea;

4 E behe ae taki bobula e he tu‘i o Asilia ae kakai o Ijibite, bea moe kakai bobula o Itiobea, ae talavou moe mātua, ae telefua moe tae ha tobuva‘e, io i he tae kofu ho nau kogaloto, koe fakama oe kakai Ijibite.

5 Bea te nau manavahe bea ma ki Itiobea koe nau amanaki, bea mo Ijibite ko ho nau vikivikiaga.

6 Bea e behe ae tagata oe fonua ni i he aho koia, Vakai oku behe e mau amanaki, aia naa mau hola ki ai ke ma‘u ae tokoni ke mau hao ai mei he tu‘i o Asilia: bea e fefe koa e mau hao?