Vahe 8
1 Koe ofa ae jiaji kia Kalaisi. 6 Koe fakamatoato oe ofa. 8 Koe ui oe kakai Jenitaile. 14 Oku kole ae fiaji ke haele mai a Kalaisi.
¶ 1 A MUJIAAGE e au kuo ke tatau mo ha tuogaane kiate au, aia nae fakahuhu i he ogo huhu o eku fa‘e! koeuhi o kau ka ilo koe ituaa, keu uma kiate koe, o ikai ma ai.
2 Ka ne behe, teu tataki koe mo omi koe ki he fale o eku fa‘e, bea te ne ako kiate au: teu fakainu koe i he uaine namu lelei kuo hui aki e au ae huhua melie oe bomikanite.
3 Bea e i lalo i hoku ulu a hono nima toohema, bea fāufua au e hono nima toomatau.
4 E gaahi ofefine o Jelusalema, oku ou fekau kiate kimoutolu, ke oua naa mou ue‘i be fafagu a hoku ofaaga, kae oua ke faiteliha be ia.
5 Kohai eni oku ha‘u mei he toafa, oku faaki kiate ia oku ne ofa ai? naaku hiki hake koe i he lolo moli: nae fanau‘i koe i ai e hoo fa‘e, nae fanau‘i i ai koe eia naa ne faele‘i koe.
¶ 6 Ai au ki ho loto o hage koe fakamau o ha tohi, bea hage koe mama ki ho nima; he oku malohi ae ofa o tatau moe mate; oku ogogataa ae fuaa o hage koe faitoka: ko hono malala oku hage koe malala‘i afi, aia oku ulo kakaha.
7 Oku ikai faa tamate‘i ae ofa aki ae vai lahi, bea e ikai mate ia i he gaahi vaitafe oku lahi: bea kabau e foaki e ha tagata ae koloa kotoabe i hono fale ka ne ma‘u ai ae ofa, e lau be ia koe mea vaiga.
¶ 8 Oku ai ho mau tehina, bea oku heeki hunuki hono huhu: bea koeha te mau fai oka hoko ae aho ke alea ki ai?
9 Kabau koe a ia, te mau fokotuu ki ai ha fale siliva: bea kabau koe mataba ia, te mau teuteu aki ia ae laubaba koe sita.
10 Ko au koe a, bea tatau moe fale maoluga a hoku huhu: koia ia naaku tatau ai i hono ao mo ha taha kuo ma‘u ae fiemalie.
11 Nae ia Solomone ae goue vaine i Bealihamone: bea naa ne tuku ene goue vaine ki he kau tauhi: bea nae fekau ke omi taki taha ae koga siliva e afe, koe totogi ki hono gaahi fua.
12 Oku i hoku ao a eku goue vaine aaku: bea ko koe e Solomone, te ke ma‘u mei ai ae koga siliva e afe, kae tuku kiate kinautolu oku tauhi hono fua ae uageau.
13 Akoe oku nofo i he gaahi goue, bea oku ogo‘i ho le‘o e ho kaiga: tuku au foki keu fanogo ai.
¶ 14 Fai vave a hoku ofaaga, bea ke tatau koe moe kaseli be koe haate mui i he gaahi mouga oe kakala.