¶ 1 I HE eku i hoku mohega i he bo, naaku kumi kiate ia oku ofa ki ai hoku laumalie neu kumi, ka nae ikai ke ilo‘i ia.

2 Bea koeni, teu tuu hake o alu fano i he gaahi hala oe kolo moe gaahi hala motua, bea teu kumi ia aia oku ofa ki ai hoku laumalie: neu kumi kiate ia, ka nae ikai teu ilo‘i ia.

3 Nae ilo‘i au e he kau leo oku fealuaki i he kolo;  bea naaku fehui ki ai o behe, Kuo mou mamata kiate ia oku ofa ki ai hoku laumalie?

4 Bea kuo tuku jii atu akinautolu, beau ilo ia oku of a ki ai hoku laumalie: bea naaku buke ia, bea nae ikai teu toe tukuage ia, ka e oua keu omi ia ki he fale o eku fa‘e, moe botu fale oona naa ne fanau‘i ai au.

5 E gaahi ofefine o Jelusalema, oku ou fekau kiate kimoutolu, i hoo mou ofa ki he faga kaseli moe hainite oe vao, ke oua naa mou ue‘i be fafagu a hoku ofaaga, kae oua ke faiteliha be ia.

¶ 6 Kohai eni oku ha‘u mei he toafa, oku hage koe bou koe kohu oe afi, bea kuo fakanamu lelei aki ae mula moe laibeno, moe gaahi kakala kotoabe mei he kau fakatau?

7 Vakai ki he mohega o Solomone; oku kabui ia e he kau tagata to‘a e toko onogofulu, mei he kau tagata to‘a o Isileli.

8 Oku nau taki taha too ae heleta, he oku nau maheni ai moe tau: oku taki taha ai ene heleta ki hono tua tega, naa ai ha manavahe i he bouli.

9 Nae gaohi e he tu‘i ko Solomone ha mohega moona mei he gaahi akau o Lebanoni.

10 Naa ne gaohi aki ae siliva a hono bou, bea ko hono faliki koe koula, ko hono ufiufi koe kulokula, bea faliki aki i loto ae ofa ki he gaahi ofefine o Jelusalema.

11 E gaahi ofefine o Saione, mou alu atu, o vakai kia Solomone koe tu‘i moe tatā fakatu‘i nae tatā aki ia e he ene fa‘e i he aho o ene fakamau unoho, i he aho oe fiefia a hono loto.