¶ 1 E JIHOVA, oku ke agatonu, o kau ka tabafua kiate koe: tuku keu lea kiate koe i hoo gaahi fakamāu: koeha oku monuia ai ae hala oe agahala? koeha oku fiefia lahi ai akinautolu oku fai kākā lahi?

2 Kuo ke to akinautolu, bea kuo nau aka: oku nau tubu, io, oku nau fua, oku ke ofi i ho nau gutu, kae mamao i ho nau loto.

3 Ka ko koe, E Jihova, oku ke ilo‘i au; kuo ke afio‘i au, bea ahiahi hoku loto kiate koe: toho ki tua akinautolu o hage koe faga sibi ke tamate‘i, bea teuteu akinautolu ki he aho oe tamate‘i.

4 E fefe hono fuoloa oe tagi ae kelekele, bea mae ae mohuku oe goue, koeuhi koe agahala anautolu oku nofo ai? Kuo fakaauha ae gaahi manu vee fa, moe gaahi manu buna; koeuhi naa nau behe, E ikai te ne afio‘i ho tau ikuaga.

¶ 5 Kabau kuo ke lele moe kau tagata, bea kuo nau fakaogojia‘i koe, te ke fakabuebue fefe moe faga hose? bea kabau kuo nau fakaogojia‘i koe i he fonua fiemalie, aia naa ke falala ki ai, koeha te ke fai i he lomaki mai a Joatani?

6 He ko ho kaiga, moe fale o hoo tamai, io naa mo kinautolu kuo nau fai kākā kiate koe; kuo nau kalaga mo tuli kiate koe: kae oua naa ke tui kiate kinautolu i he e nau lea fakafiemalie kiate koe.

¶ 7 Kuou liaki hoku fale, kuou tukuage hoku tofia; kuou tuku ki he nima o hono gaahi fili aia nae ofa ki ai hoku laumalie.

8 Ko hoku tofia oku hage koe laione i he vao kiate au; oku ne kālou mai kiate au: koia oku ou fehia ai kiate ia.

9 Ko hoku tofia oku hage koe manu buna oku bulebule hono fulufulu, oku tau‘i ia e he manu buna kotoabe; ha‘u akimoutolu ae faga manu oe vao, ke mou fakataha mai o kai.

10 Kuo maumau‘i eku goue vaine e he kau tauhi toko lahi, kuo nau malamalaki a hoku abi, kuo nau gaohi hoku tofia lelei koe vao lala.

11 Kuo nau fakalala ia, bea i he ene lala oku ne tagi kiate au; kuo fakalala ae fonua kotoabe, koeuhi oku ikai tokaga ki ai e ha tagata.

12 Kuo ha‘u ae kau fakaauha ki he gaahi botu maoluga kotoabe i he toafa: koeuhi e fakaauha aki ae heleta a Jihova mei he gataaga e taha oe fonua, io, o a‘u ki he gataaga e taha oe fonua: bea e ikai ha fiemalie ki ha taha.

13 Kuo nau tūtū‘i ae uite, ka te nau utu ae akau talatala: oku nau feiga ka e ikai aoga ia kiate kinautolu: bea te mou ma i hoo mou koloa koeuhi koe houhau kakaha o Jihova.

¶ 14 Oku behe e Jihova ki hoku kaugaabi kovi kotoabe, akinautolu oku ala ki he tofia kuou fakanofo ai a hoku kakai ko Isileli; Vakai teu taaki akinautolu i ho nau fonua, bea taaki ae fale o Juta iate kinautolu.

15 Bea e hoko o behe, hili eku taaki akinautolu teu foki, bea aloofa kiate kinautolu, bea teu toe omi akinautolu koe tagata taki taha ki hono abi, bea koe tagata taki taha ki hono fonua.

16 Bea e hoko o behe, kabau te nau hagahaga ako ki he gaahi hala o hoku kakai, ke fuakava i hoku huafa, oku moui a Jihova; o hage koe nau ako ki hoku kakai ke fuakava kia Beali; behe e laga hake akinautolu i he lotolotoga o hoku kakai.

17 Ka oku behe e Jihova, kabau e ikai te nau talagofua, teu taaki mooni bea fakaauha ae buleaga koia.