¶ 1 KOE folofola aia nae hoko mai mei a Jihova, kia Jelemaia, o behe,

2 Tuu hake bea ke alu hifo ki he fale oe tufuga gaohi ibu, bea teu bule ke ke fanogo ki he eku gaahi lea i ai.

3 Bea naaku toki alu hifo ki he fale oe tufuga gaohi ibu, bea, vakai, naa ne gaue aki ae mea takai.

4 Bea koe ibu aia nae gaohi aki ae umea, nae maumau‘i ia i he nima oe tufuga: koia nae toe gaohi ia koe ibu kehe, o hage koe loto oe tufuga ki ai.

5 Bea nae toki hoko kiate au ae folofola a Jihova, o behe.

6 Oku behe e Jihova, E fale o Isileli, ikai teu fai kiate kimoutolu o hage koe tufuga gaohi ibu ni? Vakai, E fale o Isileli, oku mou i hoku nima, o hage koe umea i he nima oe tagata tufuga gaohi ibu.

7 O kau ka lea ki ha kakai, be ha buleaga, ke taaki, be li ki lalo, be fakaauha ia;

8 Kabau e tafoki ae kakai, aia kuou lea ki ai, mei he e nau kovi, teu fakatomala i he kovi aia naaku loto ke omi kiate kinautolu.

9 Bea kau ka lea ki ha kakai, bea ki ha buleaga, ke laga mo fokotuu ia;

10 Kabau e fai kovi ia i hoku ao, bea ikai talagofua ki hoku le‘o, bea teu toki fakatomala i he lelei, aia naaku behe teu fai ke nau lelei ai.

¶ 11 Bea koeni, ke ke alu, bea ke lea ki he kau tagata o Juta, bea ki he kakai o Jelusalema, o behe, Oku behe e Jihova; vakai, oku ou teuteu ha kovi kiate kimoutolu, bea tuutuuni ha tauhele kiate kimoutolu: mou taki taha tafoki leva mei hono hala kovi, bea gaohi ke lelei ho mou gaahi hala, mo hoo mou gaahi faiaga.

12 Bea naa nau behe, Oku ikai ha amanaki lelei; ka te mau taki taha muimui ki he ene filioi, bea taki taha fai o hage koe holi a hono loto kovi.

13 Koia oku behe e Jihova; Mou fehui eni ki he hiteni, be kohai kuo fanogo ki he gaahi mea behe: kuo fai ae mea fakalielia aubito aubito e he taahine o Isileli.

14 E liaki koa ae uha hinehina o Lebanoni, aia oku tafe mei he makatuu ki he goue? be e liaki ae vaitafe momoko oku tafe mai, maa ae vai kehe oku keli be?

15 Koeuhi kuo fakagalogalo‘i au e hoku kakai, kuo nau tutu ae mea namu kakala ki he mea vaiga, bea kuo nau fakahiga akinautolu i ho nau gaahi hala mei he gaahi hala motua, ka nau eveeva i he hala, moe aluga nae ikai tanu hake;

16 Ke fakalala ho nau fonua, bea gaohi ia koe manukiaga; bea e ofo ai akinautolu kotoabe oku alu ki ai, bea kalokalo ho nau ulu.

17 Teu fakamovetevete akinautolu i he ao oe fili o hage koe matagi hahake; bea e ikai teu fakaha hoku ao, ka teu fulitua kiate kinautolu i he aho oe nau tuutamaki.

¶ 18 Bea naa nau toki behe, Koeni ke tau fakakaukau ha mea kia Jelemaia; koeuhi e ikai mole ae fono mei he taulaeiki, be koe fakakaukau mei he tagata boto, be koe lea mei he balofita. Mou ha‘u, ke tau ta ia i hono elelo, bea oua naa tau tokaga ki he ene gaahi lea.

19 Tokaga mai kiate au, E Jihova, bea fanogo ki he le‘o onautolu oku fakamamahi‘i au.

20 E totogi koa aki ae kovi ki he lelei? he kuo nau keli ae luo ki hoku laumalie. Ke ke manatu naaku tuu i ho ao, ke hufia akinautolu, bea ke fakaafe ho houhau meiate kinautolu.

21 Koia tukuage e nau fānau ki he hoge, bea liligi ho nau  toto i he malohi oe heleta; bea tuku ke mole ae fānau a ho nau gaahi fefine, bea mate ho nau unoho; bea tuku ke tamate‘i ho nau kau tagata: bea ke ke tamate‘i aki ho nau kau talavou ae heleta i he tau.

22 Tuku ke ogo mai ae kaila mei ho nau gaahi fale, oka ke ka omi fakafokifabe ha kau tau kiate kinautolu; he kuo nau keli ha luo ke ma‘u ai au, bea ai fakafufu ha tauhele ki hoku va‘e.

23 Ka ko koe, E Jihova, oku ke afio‘i e nau fakakaukau kotoabe kiate au ke tamate‘i au: oua naa fakamolemole e nau hia, bea oua naa tamate‘i e nau agahala mei ho ao, kae tuku ke auha akinautolu i ho ao; ke ke fai behe kiate kinautolu i he aho o ho houhau.