¶ 1 OKU behe mai a Jihova, Alu, o too ae hina umea oe tufuga gaohi ibu, bea ave ae kau mātua niihi oe kakai, oea moe kau mātua oe kau taulaeiki;

2 Bea ke alu ki he telea oe foha o Henomi, aia oku i he mataba hahake, bea fakaha i ai ae gaahi lea aia teu tala kiate koe,

3 Bea ke behe, E gaahi tu‘i o Juta, moe kakai o Jelusalema, mou fanogo ki he folofola a Jihova; Oku behe e Jihova oe gaahi kau tau, koe Otua o Isileli; Vakai, teu omi ae kovi ki he botu ni, bea koia e fanogo ki ai, e vavana ai hono teliga.

4 Koeuhi kuo nau jiaki au, bea kuo fakakehe ae botu ni, kuo tutu i ai ae mea namu kakala ki he gaahi otua kehe, aia nae ikai te nau ilo, be koe nau gaahi tamai, be koe gaahi tu‘i o Juta, bea kuo fakabito aki ae botu ni ae toto oe taehalaia.

5 Kuo nau laga foki ae gaahi botu maoluga o Beali, ke tutu ai ho nau gaahi foha i he afi, koe feilaulau tutu kia Beali, aia nae ikai teu fekau, be lea ki ai, bea nae ikai jii teu fiemalie ki ai:

6 Koia, oku behe e Jihova, Oku ha‘u ae gaahi aho, e ikai toe ui ae botu ni ko Tofeti, be koe telea oe foha o Henomi, ka Koe telea oe tamate‘i.

7 Bea teu fakataeaoga ae fakakaukau a Juta mo Jelusalema i he botu ni: bea teu bule ke nau to i he heleta i he ao o ho nau gaahi fili, bea moe nima onautolu oku kumi e nau moui: bea teu foaki ho nau agaaga ke kai e he faga manu oe atā, bea moe faga manu oe fonua.

8 Bea teu gaohi ae kolo ni ke lala, bea koe manukiaga; bea e ofo mo fakaiseisa ki ai akinautolu kotoabe oku alu ki ai, koeuhi ko hono gaahi tautea kotoabe.

9 Bea teu bule ke nau kai ae kakano o ho nau gaahi foha, bea moe kakano o ho nau gaahi ofefine, bea te nau taki taha kai ae kakano o hono kaiga i he tau moe mamahi, aia e fakamamahi aki akinautolu e ho nau gaahi fili, bea mo kinautolu oku kumi e nau moui.

10 Bea te ke toki foa ae hina i he ao oe kau tagata oku nau alu mo koe,

11 Bea te ke lea kiate kinautolu, Oku behe mai a Jihova oe gaahi kau tau; E behe eku maumau‘i ae kakai ni, bea moe kolo ni, o hage oku foa‘i e ha taha ae ibu ae tufuga gaohi ibu, aia e ikai toe faa gaohi ke haohaoa: bea e tanu  akinautolu i Tofeti, bea e ikai ha botu e hao ai ho nau tanu.

12 Oku behe e Jihova, Teu fai behe ki he botu ni, bea mo hono kakai, bea teu gaohi ae kolo ni ke hage ko Tofeti:

13 Bea e fakauli‘i ae gaahi fale o Jelusalema, bea moe gaahi fale oe gaahi tu‘i o Juta, o hage koe botu o Tofeti, koeuhi koe gaahi fale kotoabe aia kuo tutu ai ae mea namu kakala i ho nau tua fale ki he gaahi mea oe lagi, bea kuo liligi ai ae feilaulau inu ki he gaahi otua kehe.

¶ 14 Bea nae toki ha‘u a Jelemaia mei Tofeti, aia nae fekau ia ki ai e Jihova ke kikite; bea ne tuu i he lotoa oe fale o Jihova; o ne lea ki he kakai kotoabe,

15 Oku behe e Jihova oe gaahi kau tau, koe Otua a Isileli; Vakai teu omi ki he kolo ni, bea mo hono gaahi botu kakai kotoabe, ae kovi kotoabe aia naaku lea ki ai, koeuhi kuo nau fakakekeva ho nau kia, telia naa nau fanogo ki he eku gaahi lea.