¶ 1 KUO tohi ae hia a Juta aki ae beni ukamea, bea moe mata oe taimoni: kuo togi ia i he kakano o ho nau loto, bea ki he gaahi nifo o ho mou gaahi ejifeilaulauaga.

2 I he lolotoga ae manatu‘i e he e nau fānau ki he e nau gaahi ejifeilaulauaga moe gaahi vao tabu moe akau lau mauiui i he gaahi mouga maoluga.

3 E hoku mouga, koe mea kotoabe i hoo goue mo hoo koloa kotoabe teu foaki ke vetea, bea mo ho botu maoluga kotoabe koeuhi koe agahala, o a‘u ki hono gataaga o ho fonua kotoabe.

4 Bea e hiki koe mei he tofia, aia naaku foaki kiate koe; bea teu bule ke ke tauhi ki ho gaahi fili i he fonua oku ikai te ke ilo: koeuhi kuo mou tutu ae afi i hoku houhau, aia e vela o taegata.

¶ 5 Oku behe e Jihova; Ke malaia ae tagata oku falala ki he tagata, bea oku ne nima aki ae kakano, bea kuo mole hono loto mei a Jihova,

6 Koeuhi e hage ia koe mohuku mae i he toafa, bea e ikai te ne mamata oka ha‘u ae lelei; ka te ne nofo be i he gaahi botu laa oe toafa, i he fonua lala tae hano kakai.

7 Oku monuia ae tagata oku falala kia Jihova, bea ko hono amanaki leleiaga a Jihova.

8 Koeuhi e hage ia koe akau kuo to i he vee vai, oku totolo atu hono gaahi aka ki he vaitafe, bea e ikai te ne ilo ae bubuha, ka e mata be hono lau; bea e ikai vaivai i he faahita‘u laa, bea e ikai fakagata hono fua.

¶ 9 Oku kākā lahi taha be ae loto i he gaahi mea kotoabe, bea oku fugani kovi: kohai te ne faa ilo ia?

10 Ko au Jihova oku ou vakili ae loto, oku ou hakule ae gaahi mahalo, ke foaki ki he tagata taki taha o fakatatau mo ene gaahi ulugaaga, bea tatau moe fua o ene faiaga.

11 O hage koe manu buna oku fofoa‘i ae gaahi fua nae ikai te ne fakato; e behe foki ia oku tanaki koloa tae totonu, e alu ia mei ai i he lolotoga o hono gaahi aho, bea e vale ia i hono ikuaga.

¶ 12 Talu mei he kamataaga koe nofoaga fakaeieiki fakasanisani mo maoluga ae botu o ho tau fale tabu.

13 E Jihova, koe amanaki leleiaga o Isileli, e ma akinautolu kotoabe oku liaki koe, bea e tohi ki he kelekele akinautolu oku alu meiate koe, koeuhi kuo nau jiaki a Jihova, koe matavai oe gaahi vai moui.

14 E Jihova, ke ke faitoo kiate au, bea teu moui; fakamoui au, bea teu moui: he ko koe oku ou fakafetai ki ai.

¶ 15 Vakai, oku nau behe kiate au, Koefe ae folofola a Jihova? tuku ia ke hoko mai.

16 Bea ko au, nae ikai teu tuku vave eku muimui kiate koe: bea oku ke afio‘i nae ikai teu manako ki he aho fakailifia; koia nae ha‘u mei hoku lougutu nae i ho ao oou.

17 Oua naa ke iate au koe fakailifia; ko koe ko eku amanaki leleiaga i he aho oe kovi.

18 Tuku ke ma akinautolu oku fakataga‘i au, kae oua naa tuku au keu ma: tuku ke nau manavahe, kae oua naa tuku au keu manavahe: omi kiate kinautolu ae aho oe mamahi, bea fakaauha aki akinautolu ae fakaauha lahi.

¶ 19 Nae behe e Jihova kiate au, Alu o tuu i he mataba oe fānau a hoku kakai, aia oku hu ai ae gaahi tu‘i o Juta, bea mo ia oku nau alu ai kitua, bea ki he gaahi mataba kotoabe o Jelusalema;

20 Bea ke lea kiate kinautolu, o behe, Mou fanogo ki he folofola a Jihova, akimoutolu koe gaahi tu‘i o Juta, bea mo Juta kotoabe, bea moe kakai kotoabe o Jelusalema, oku hu i he gaahi mataba ni.

21 Oku behe mai e Jihova; Mou tokaga kiate kimoutolu, bea oua naa fua ha kavega i he aho tabu, be omi ia i he gaahi mataba o Jelusalema;

22 Bea oua naa ave ha kavega kitua mei ho mou gaahi fale i he aho tabu, bea oua naa fai ha gaue, kae fakahaohaoa ae aho tabu, o hage koia naaku fekau ki hoo mou gaahi tamai.

23 Ka nae ikai te nau talagofua, be fakatokaga ho nau teliga ke ogo‘i, ka nae fakakekeva ho nau kia, koeuhi ke oua naa nau fanogo, be ma‘u ae akonaki.

24 Oku behe e Jihova, e hoko ia o behe, kabau te mou tokaga lahi kiate au, ke oua naa omi ha kavega i he gaahi mataba i he aho tabu, kae fakahaohaoa ae aho tabu, ke oua naa fai ha gaue i ai:

25 Bea e toki hu i he gaahi mataba oe kolo ni ae gaahi tu‘i moe houeiki oku nofo i he nofoa fakatu‘i o Tevita, o heka i he gaahi saliote, bea moe gaahi hose, ko kinautolu mo ho nau houeiki, koe kau tagata o Juta: bea moe kakai o Jelusalema: e tuu mau o taegata ae kolo ni.

26 Bea te nau ha‘u mei he gaahi kolo o Juta, bea mei he gaahi botu ofi ki Jelusalema, bea mei he fonua o Benijimani, bea mei he gaahi toafa, bea mei he gaahi mouga, bea mei he botu toga, o omi ae gaahi feilaulau tutu, moe gaahi feilaulau, moe gaahi feilaulau meakai, moe mea namu kakala, o omi ae gaahi feilaulau fakafetai, ki he fale o Jihova.

27 Bea ka ikai te mou fanogo kiate au ke fakahaohaoa ae aho tabu, bea oua naa fua ha kavega, o hu mo ia ki he gaahi mataba o Jelusalema i he aho tabu, behe teu toki tutu ae afi ki hono gaahi mataba, bea e fakaauha aki ia ae gaahi fale fakaeieiki o Jelusalema, bea e ikai aubito tamate‘i ia.