¶ 1 OKU behe e Jihova, E malaia ae kau tauhi aia oku fakaauha mo fakamovetevete ae faga sibi o eku goue!

2 Koia oku behe e Jihova koe Otua o Isileli ki he kau tauhi oku fafaga a hoku kakai; Kuo mou fakamovetevete eku faga sibi, o kabuji akinautolu, bea kuo ikai aahi akinautolu: vakai, teu tautea akimoutolu koeuhi koe kovi o hoo mou gaahi faiaga, oku behe e Jihova.

3 Bea teu tanaki hono toe o eku faga sibi mei he gaahi botu kotoabe kuou kabuji akinautolu ki ai, bea teu toe omi akinautolu ki ho nau lotoa; bea te nau fanau mo fakatubu.

4 Bea teu fakanofo kiate kinautolu ae kau tauhi aia e fafaga akinautolu: bea e ikai te nau toe manavahe, be vaivai, bea e ikai te nau majiva, he oku behe e Jihova.

¶ 5 Oku behe e Jihova, Vakai, oku ha‘u ae gaahi aho, aia teu fakatubu ai kia Tevita ae vaa agatonu, bea e bule mo monuia ha tu‘i, bea e fai ae fakamāu moe agatonu i he fonua.

6 E fakamoui a Juta, bea e nofo fiemalie a Isileli i hono gaahi aho koia: bea ko hono huafa eni e ui ai ia, KO JIHOVA KO HO TAU MAONIONI.

7 Koia, oku behe e Jihova, Vakai, oku ha‘u ae gaahi aho, aia e ikai te nau toe behe ai, Oku moui a Jihova, aia nae omi ae fānau a Isileli mei he fonua ko Ijibite;

8 Ka, Oku moui a Jihova, aia naa ne omi mo tataki mai ae hako oe fale o Isileli mei he fonua i he tokelau, bea mei he botu kotoabe naaku kabuji akinautolu ki ai; bea te nau nofo i ho nau fonua onautolu.

¶ 9 Kuo mafōfōa hoku loto iate au, koeuhi koe kau balofita: oku tetetete hoku gaahi hui; oku ou hage koe tagata kona, bea hage koe tagata kuo ikuna e he uaine, koeuhi ko Jihova, mo ene gaahi folofola maonioni.

10 He kuo fonu ae fonua i he kau feauaki; bea oku mamahi ae fonua koeuhi koe kabekabe; kuo momoa ae gaahi botu goue i he toafa, oku kovi ho nau hala, bea oku tae totonu e nau fakamalohi.

11 He oku halaia ae balofita moe taulaeiki fakatouoji; oku behe e Jihova, Koe mooni oku ou ilo e nau kovi i hoku fale.

12 Koia e iate kinautolu a ho nau hala o hage koe gaahi hala kehekehe mo fakabouli: bea e teke‘i atu akinautolu, bea te nau higa ai: he teu omi ae kovi kiate kinautolu, io, koe ta‘u a ho nau tautea, oku behe e Jihova:

13 Bea kuou mamata ki he vale i he kau balofita o Samelia; he kuo nau kikite ia Beali, bea nau fakahalaia a hoku kakai ko Isileli.

14 Bea i he kau balofita o Jelusalema kuou mamata foki ki he mea fakailifia: kuo nau fai feauaki, bea aeva i he gaahi loi: kuo nau tokoni foki ae nima oe kau fai kovi, bea koia oku ikai tafoki ai ha taha mei he ene agahala: kuo nau hoko kotoabe o hage ko Sotoma kiate au, bea mo hono kakai o hage ko Komola.

15 Koia oku behe e Jihova oe gaahi kau tau koeuhi koe kau balofita: Vakai, teu fafaga akinautolu aki ae akau kona, bea teu foaki kiate kinautolu ae huhua oe ahu ke nau inu: he kuo alu atu ae kākā ki he fonua kotoabe, mei he kau balofita o Jelusalema.

16 Oku behe a Jihova oe gaahi kau tau, Oua naa fanogo ki he gaahi lea ae kau balofita, akinautolu oku kikite kiate kimoutolu, oku nau fielahi‘i akimoutolu: oku nau lea aki ae mea i ho nau loto, ka oku ikai mei he fofoga o Jihova.

17 Oku nau kei lea behe kiate kinautolu oku fehia kiate au, Nae behe e Jihova, Te mou fiemalie; bea oku nau lea behe kiate kinautolu taki taha oku muimui ki he holi a hono loto, E ikai hoko ha kovi kiate kimoutolu.

18 He kohai nae tuu i he botu lilo a Jihova, ke ne ilo mo fanogo ki he ene folofola? kohai kuo fanogo ki he ene folofola, mo tokaga ki ai?

19 Vakai, kuo alu atu ia Jihova ae matagi ahiohio i he houhau, koe matagi ahiohio oku fonu i he kovi: bea e to lahi ia ki he ulu oe agahala.

20 E ikai tafoki ae houhau o Jihova kae oua ke ne fai, mo fakaoji kotoabe aia oku ne finagalo ki ai: bea te mou ilo lahi ae mea ni i he gaahi aho amui.

21 Nae ikai teu fekau ae kau balofita na, ka naa nau lele: nae ikai teu lea kiate kinautolu, ka kuo nau kikite.

22 Kabau naa nau tuu mau i he eku fakakaukau, bea fakaha ki hoku kakai eku gaahi lea, behe te nau toki fakatafoki akinautolu mei ho nau hala kovi, bea mei he kovi oe nau gaahi faiaga.

23 Oku behe e Jihova, Koe Otua au oe ofi be, bea ikai koe Otua oe mamao foki?

24 Oku behe e Jihova, E faa fakafufu ia e ha taha i ha gaahi botu lilo ke oua naaku ilo ia? oku behe e Jihova, He oku ikai fonu ae lagi mo mamani iate au?

25 Kuou fanogo ki he gaahi mea oku lea aki e he kau balofita, akinautolu oku kikite loi i hoku huafa, o behe, Kuou miji, kuou miji.

26 E fefe hono fuoloa oe mea ni i he loto oe kau balofita oku kikite aki ae gaahi loi? io, koe kau balofita oku kākā mei ho nau loto;

27 Akinautolu ni oku fie fakagalo‘i hoku huafa ki hoku kakai, i he e nau gaahi miji aia oku nau fakaha ae tagata taki taha ki hono kaugaabi, o hage nae fakagalo‘i hoku huafa e he e nau gaahi tamai koeuhi ko Beali.

28 Koe balofita oku ma‘u ha miji tuku ke ne lea aki ae miji; bea ko ia oku ma‘u eku folofola, tuku ke ne lea mooni aki eku folofola. Oku behe e Jihova, Koeha ae kafukafu ki he uite?

29 Oku behe e Jihova; Ikai oku tatau eku folofola moe afi? bea hage koe hamala ke ta mo laiki aki ae maka?

30 Koia, oku behe e Jihova, Vakai, oku ou fehia ki he balofita, oku nau taki taha kaihaa eku lea mei hono kaugaabi.

31 Oku behe e Jihova, Vakai, oku ou fehia ki he kau balofita, akinautolu oku nau lea aki ho nau elelo, o behe, Oku behe eia.

32 Oku behe e Jihova, Vakai, oku ou fehia kiate kinautolu oku kikite aki ae gaahi miji kākā, bea lea aki ia, bea fakahala‘i a hoku kakai aki e nau gaahi loi, moe kākā; ka nae ikai teu tala ke nau alu, be fekau akinautolu: koia e ikai jii te nau momoi aoga ki he kakai ni, oku behe e Jihova.

¶ 33 Bea oka fehui kiate koe, ae kakai ni, be ha balofita, be ha taulaeiki, o behe, Koeha ae lea mamafa mei a Jihova? te ke behe leva kiate kinautolu, Koe lea mamafa oe ha? Oku behe e Jihova, Koe mooni teu liaki akimoutolu.

34 Bea koe balofita, moe taulaeiki, bea moe kakai, aia te nau behe, Koe lea mamafa mei a Jihova, Teu tautea ae tagata koia mo hono fale.

35 Bea te mou taki taha febeheaki ki hono kaugaabi, bea taki taha ki hono tokoua Koeha ae tala a Jihova? bea, Koeha kuo folofola aki e Jihova?

36 Bea e ikai te mou toe lea ki he lea mamafa mei a Jihova: he koe lea ae tagata taki taha ko ene kavega ia; he kuo mou fakakehe ae folofola ae Otua moui, ko Jihova oe gaahi kau tau ko ho tau Otua.

37 Bea te ke lea behe ki he balofita, Koeha ae tali a Jihova kiate koe? Bea Koeha kuo folofola aki e Jihova?

38 Ka i hoo mou behe mai, Koe lea mamafa mei a Jihova; koia oku behe e Jihova, koeuhi oku mou lea aki ae lea ni, Koe tala mamafa mei a Jihova, bea kuou fekau kiate kimoutolu, o behe, Oua naa mou behe, Koe lea mamafa mei a Jihova?

39 Koia, Vakai, Ko au, Io Ko au, teu fakagalogalo‘i aubito akimoutolu, bea teu liaki akimoutolu, bea moe kolo naaku foaki kiate kimoutolu mo hoo mou gaahi tamai, bea teu kabuji akimoutolu i hoku ao:

40 Bea teu fakaogoogo kovi‘i akimoutolu o taegata, bea fakatubu kiate kimoutolu ae ma o taegata, aia e ikai fakagalogalo‘i.