¶ 1 KOE folofola a Jihova aia nae hoko kia Jelemaia koe balofita ki he kau Filisitia, i he heeki ai ke ta‘i e Felo a Kesa.

2 Oku behe e Jihova; Vakai, oku tubu ae gaahi vai mei he tokelau, bea e hoko ia koe vai fonu mahakehake lahi, bea ufiufi aki ae fonua bea moe mea kotoabe oku i ai: koe kolo mo kinautolu oku nofo i ai: bea e toki tagi ae kau tagata, bea e tagilāulāu ae kakai kotoabe oe fonua.

3 Koe mea i he batatū ae va‘e oe faga hose malohi, moe mea i he lele ae gaahi saliote, bea moe logoaa o ene gaahi saliote, e ikai jio ki mui ae gaahi tamai ki he e nau fānau koe mea i he vaivai a ho nau nima;

4 Koeuhi koe aho aia oku ha‘u ke fakaauha ai ae kau Filisitia kotoabe, bea ke tuuji mei Taia mo Saitone ae tokoni kotoabe aia oku toe: koeuhi e fakaauha e Jihova ae kau Filisitia, koe toega oe fonua ko Kafitoli.

5 Kuo hoko ae tula ki Kesa; kuo tuuji a Asikiloni moe toega i ho nau telea: e fefe hono fuoloa o hoo maumau‘i koe ekoe?

6 Akoe koe heleta o Jihova, E fefe hono fuoloa bea ke toki fiemalie? ke ke ai koe ki ho aiaga, bea mālōlō, mo fiemalie.

7 E fefe ene fiemalie, he kuo fekau‘i ia e Jihova ki Asikiloni, bea moe matātahi? kuo ne tuutuuni ia ki ai.