Vahe 45
1 Koe vaivai a Baluki. 4 Oku akonaki mo fakafiemalie kiate ia e Jelemaia.
¶ 1 KOE lea nae lea aki e Jelemaia koe balofita kia Baluki koe foha o Nelia, i he hili ene tohi i ha tohi ae gaahi lea ni mei he gutu o Jelemaia, i hono fa oe ta‘u o Jihoiakimi koe foha o Josaia, koe tu‘i o Juta, o behe.
2 E Baluki, oku behe e Jihova, koe Otua o Isileli, kiate koe;
3 Naa ke behe, Ko eni oku ou malaia! He kuo fakahoko e Jihova ae mamahi ki he eku mamahi; naaku bogia i he eku to‘e, bea oku ikai teu ilo ha fiemalie.
¶ 4 Bea te ke lea behe kiate ia, Oku folofola behe a Jihova; Vakai, koia kuou laga teu feji‘i hifo, bea koia kuou to teu taaki hake, io ae fonua ni kotoabe.
5 Bea oku ke kumi ae gaahi mea lahi maau? oua naa kumi ki ai: he oku behe mai e Jihova, Vakai, teu omi ae kovi ki he kakano kotoabe: ka teu foaki hoo moui kiate koe o hage koe koloa kuo vetea, i he botu kotoabe te ke alu ki ai.