¶ 1 KOE folofola nae ha‘u kia Jelemaia mei a Jihova i hono hogofulu oe ta‘u o Setikia koe tu‘i o Juta, aia nae i hono hogofulu ma valu ta‘u o Nebukanesa.

2 He nae kabui a Jelusalema e he kau tau ae tu‘i o Babilone i he gaahi aho koia: bea nae tuku a Jelemaia koe balofita ki he lotoa oe fale fakabobula, aia nae i he fale oe tu‘i o Juta.

3 He kuo tuku ia ki ai e Setikia koe tu‘i o Juta, o behe, Koeha oku ke kikite ai, o lea, oku behe mai a Jihova, Vakai, teu tukuage ae kolo ni ki he tu‘i o Babilone, bea te ne kaba ia;

4 Bea e ikai hao a Setikia koe tu‘i o Juta mei he nima oe kau Kalitia, ka e tukuage mooni ia ki he nima oe tu‘i o Babilone, bea te ne alea mo ia, koe gutu ki he gutu, bea e mamata ia ki hono mata.

5 Bea te ne tataki a Setikia ki Babilone, bea te ne nofo ai, ke oua keu aahi kiate ia, oku behe e Jihova: bea kabau te mou tau moe kau Kalitia, e ikai te mou monuia.

¶ 6 Bea nae behe e Jelemaia, Nae ha‘u kiate au, ae folofola a Jihova, o behe,

7 Vakai, e ha‘u kiate koe a Hanamili koe foha o Salumi koe tokoua o hoo tamai, o behe, fakatau moou ae goue aia oko i Anatoti: he oko totonu ke he fakatau ia o hage koe fono oe huhui.

8 Koia nae ha‘u kiate au ki he lotoa oe fale fakabobula a Hanamili koe foha oe tokoua o eku tamai, o hage koe folofola a Jihova, bea ne behe kiate au, Oku ou kole kiate koe, ke ke fakatau eku goue aia oku i Anatoti, aia oku i he fonua o Benijimani: he oku aau ia o hage koe fono oe hoko, bea oku iate koe hono huhui; ke ke fakatau ia maau. Bea naaku toki ilo ta koe folofola eni a Jihova.

9 Bea naaku fakatau ae goue a Hanamili koe foha oe tokoua o eku tamai, aia nae i Anatoti, beau fakatatau ae baaga kiate ia, koe sikeli siliva e hogofulu ma fitu.

10 Bea naaku tohi ae tohi, bea fakamau ia, bea nae fakamooni e he kau fakamooni, beau fakamamafa kiate ia ae baaga i he mea fakatatau.

11 Bea neu too fakatouoji ae fakamooni ki he fakatau, aia nae fakamau, bea mo ia nae ikai fakamau, o hage koe aga oe fono:

12 Beau foaki ae fakamooni ae fakatau kia Baluki koe foha o Nelia, koe foha o Maaseia, i he ao o Hanamili koe foha oe tokoua o eku tamai, bea i he ao oe kau fakamooni nae tohi i he tohi oe fakatau, bea i he ao oe kau Jiu nae nofo i he lotoa oe fale fakabobula.

¶ 13 Bea naaku fekau kia Baluki i ho nau ao, o behe,

14 Oku behe mai e Jihova oe gaahi kau tau, koe Otua o Isileli; Too ae gaahi fakamooni ki he fakatau, aia oku fakamau, mo ia oku tae fakamau fakatouoji; bea ai ia ki he ibu kelekele, koeuhi ke tologa ia ki he gaahi aho lahi.

15 He oku behe e Jihova oe gaahi kau tau, koe Otua o Isileli; E toe ma‘u ae gaahi fale, moe gaahi goue, bea moe gaahi goue vaine i he fonua ni.

¶ 16 Bea hili eku tukuage ae fakamooni oe fakatau kia Baluki koe foha o Nelia, naaku toki lotu kia Jihova, o behe,

17 E Eiki ko Jihova! vakai, kuo ke gaohi ae lagi bea mo mamani i ho malohi lahi bea moe nima mafao, bea oku ikai ha mea e taha oku faigataa kiate koe:

18 Kuo ke fakaha a hoo ulugaaga ofa ki he gaahi toko afe, bea oku ke totogi ae hia ae gaahi tamai ki he fatafata oe nau fānau oku muimui iate kinautolu: koe Otua Lahi, bea Mafimafi, Ko Jihova oe gaahi kau tau hono huafa,

19 Koe lahi ia i he fakakaukau, bea malohi i he gaue: he oku i he gaahi faiaga oe gaahi fānau ae tagata a ho fofoga: ke atu taki taha kiate kinautolu o hage ko hono gaahi hala, bea hage koe fua oe nau gaahi faiaga:

20 Akoe naa ke fakaha ae gaahi fakailoga moe gaahi mea fakaofo i he fonua ko Ijibite, bea mo Isileli, bea ki he gaahi kakai kehe, o a‘u ki he aho ni; bea kuo ke fakaogoogoa ho huafa, o hage koia i he aho ni;

21 Bea kuo ke omi a hoo kakai Isileli mei he fonua ko Ijibite moe gaahi fakailoga, bea moe gaahi mea fakaofo, aki ae nima malohi, bea moe nima mafao atu, bea moe mea fakailifia lahi;

22 Bea kuo ke foaki kiate kinautolu ae fonua ni, aia naa ke fuakava ki he e nau gaahi tamai te ke foaki kiate kinautolu, koe fonua oku fetafeaki ai ae hua huhu bea moe mea hua melie;

23 Bea naa nau hu ki ai, o ma‘u ia; ka nae ikai te nau talagofua ki ho le‘o, be aeva i hoo fono; nae ikai te nau fai ha mea e taha i he mea kotoabe naa ke fekau kiate kinautolu ke nau fai: koia kuo ke fakahoko kiate kinautolu ae gaahi kovi ni kotoabe:

24 Vakai ki he teu tau, kuo nau ha‘u ki he kolo ke kaba ia; bea kuo tukuage ae kolo ki he nima oe kau Kalitia, oku tau‘i aki ia ae heleta, moe hoge, moe mahaki fakaauha, bea koia naa ke folofola ki ai kuo hoko; bea vakai, oku ke afio ki ai.

25 Bea naa ke behe kiate au, E Eiki ko Jihova, Ke ke fakatau aki ae goue ae baaga, bea fili ha kau fakamooni; he kuo tukuage ae kolo ki he nima oe kau Kalitia.

¶ 26 Bea nae toki hoko ae folofola a Jihova kia Jelemaia, o behe,

27 Vakai, Ko au ko Jihova, Koe Otua oe kakai kotoabe: oku ai ha mea e faigataa kiate au?

28 Koia oku behe e Jihova; Vakai, teu tukuage ae kolo ni ki he nima oe kau Kalitia, bea ki he nima o Nebukanesa koe tu‘i o Babilone, bea te ne ma‘u ia:

29 Bea e ha‘u ae kau Kalitia, o tau‘i ae kolo ni, bea te nau tutu aki ae afi ae kolo ni, bea tugia moe gaahi fale, aia naa nau tutu ai i he tua fale ae mea namu kakala kia Beali, bea liligi ae gaahi feilaulau inu ki he gaahi otua kehe, ke fakahouhau‘i au.

30 He kuo fai kovi be i hoku ao ae fānau a Isileli moe fānau a Juta talu e nau kei jii: he kuo fakahouhau aki be au e he fānau a Isileli ae gaue a ho nau nima, oku behe e Jihova.

31 He kuo hoko kiate au ae kolo ni koe tubuaga o eku tubutamaki mo hoku houhau talu mei he aho naa nau laga ai ia o a‘u ki he aho ni; koeuhi keu hiki ia mei hoku ao,

32 Koeuhi koe kovi kotoabe ae fānau a Isileli bea moe fānau a Juta, aia kuo nau fakahouhau‘i au, ko kinautolu, mo ho nau gaahi tu‘i, mo ho nau houeiki, mo ho nau kau taulaeiki, bea mo ho nau kau balofita, bea moe kau tagata o Juta, bea moe kakai o Jelusalema.

33 Bea kuo nau fulitua kiate au, bea fakahaga atu ho nau mata: ka naaku ako kiate kinautolu, o tuu hegihegi hake ke ako‘i akinautolu, ka nae ikai te nau tokaga ke ma‘u ae akonaki.

34 Ka naa nau fokotuu e nau gaahi mea fakalielia i he fale, aia oku ui aki a hoku huafa, ke fakauli‘i ia.

35 Bea kuo nau laga ae gaahi botu maoluga o Beali, aia oku i he telea oe foha o Henomi, ke bule ki ho nau gaahi foha moe gaahi ofefine ke alu  i he afi kia Moleki; aia naaku fekau kiate kinautolu ke oua naa nau fai ia, bea nae ikai jii teu loto ki ai, ke oua naa nau fai ae mea fakalielia ni, ke fakaagahala‘i aki a Juta.

¶ 36 Bea koeni, oku behe mai e Jihova, koe Otua o Isileli, ki he kolo ni, aia oku mou behe ki ai, E tukuage ia ki he nima oe tu‘i o Babilone i he heleta, moe hoge, bea moe mahaki fakaauha:

37 Vakai, teu tanaki fakataha akinautolu mei he gaahi fonua kotoabe, aia naaku kabuji akinautolu ki ai i he eku tubutamaki, mo hoku houhau, bea mo hoku houhau lahi; bea teu toe omi akinautolu ki he botu ni bea teu bule ke nau nofo i he fiemalie:

38 Bea te nau hoko ko hoku kakai, bea teu hoko ko ho nau Otua:

39 Bea teu foaki kiate kinautolu ae loto be taha, moe hala be taha, koeuhi ke nau manavahe kiate au o taegata, koeuhi ke nau lelei ai, bea lelei moe nau fānau ki mui iate kinautolu:

40 Bea teu fai mo kinautolu ae tuakava taegata, e ikai teu tafoki meiate kinautolu, i he fai lelei kiate kinautolu; ka teu ai ki ho nau loto ae manavahe kiate au, koeuhi ke oua naa nau jiaki au.

41 Io, teu fiefia iate kinautolu, ke fai lelei kiate kinautolu, bea koe mooni teu to akinautolu i he fonua ni aki hoku loto kotoa bea mo hoku laumalie kotoa.

42 He oku behe e Jihova; O hage kuou omi ae kovi lahi ni kotoabe ki he kakai ni, e behe foki eku omi ae lelei kotoabe aia kuou talaofa ki ai kiate kinautolu.

43 Bea e fakatau ae gaahi goue i he fonua ni, aia oku mou behe ki ai, Oku lala ia, bea oku ikai ha tagata be ha manu i ai; kuo tukuage ia ki he nima oe kau Kalitia.

44 E fakatau e he kakai ae gaahi goue aki ae baaga, bea e tohi ae gaahi tohi fakamooni, bea fakamau ia, bea e ma‘u ae kau fakamooni i he fonua o Benijimani, bea moe gaahi botu ofi ki Jelusalema, bea i he gaahi kolo o Juta, bea moe gaahi kolo i he botu mouga, bea moe gaahi kolo i he botu tokalelei, bea moe gaahi kolo oe feituu toga: he teu liliu e nau bobula, oku behe mai e Jihova.