Fakamatala Meʻa Hokohoko

ʻOku fakamatala ʻa e vahe 1–9 ki he ngaahi tohi hohoko meia ʻĀtama kia Saula. ʻOku fakamatala ʻa e vahe 10 ki he pekia ʻa Saulá. ʻOku fakamatalaʻi fakaʻāuliliki ʻe he vahe 11–22 ʻa e ngaahi meʻa naʻe hoko fekauʻaki mo e pule ʻa Tēvitá. ʻOku fakamatala ʻa e vahe 23–27 ki hono fakanofo ʻo Solomone ko e tuʻí pea fokotuʻutuʻu maau ʻa e kau Līvaí. ʻOku fakamatala ʻa e vahe 28 ki he fekau ʻe Tēvita kia Solomone ke langa ha temipale. ʻOku tohi ʻi he vahe 29 ʻa e pekia ʻa Tēvitá.

ʻOku fakamatalaʻi fakaʻāuliliki ʻe he vahe 1–9 ʻa e ngaahi meʻa naʻe hoko fekauʻaki mo e pule ʻa Solomoné. ʻOku fakamatala ʻa e vahe 10–12 ki he pule ʻa Lehopoame ko e foha ʻo Solomoné, ʻa ia naʻe mavaeua ai ʻa e puleʻanga fakatahataha ʻo ʻIsilelí ki he puleʻanga ʻi he tokelaú mo e puleʻanga ʻi he tongá. ʻOku hanga ʻe he vahe 13–36 ʻo fakamatalaʻi ʻa e pule ʻa ha ngaahi tuʻi kehekehe ʻo aʻu mai ki hono kapa ʻo e puleʻanga ʻo Siutá ʻe Nepukanesá. ʻOku fakaʻosi ʻa e tohí ʻaki ʻa e tuʻutuʻuni ʻa Kōlesi ke tuku ange ke foki ʻa e fānau nofo pōpula ʻo Siutá ki Selusalema.