¶ 1 BEA koeni, nae fai ae tau e he kakai Filisitia ki Isileli; bea nae feholaki ae kau tagata o Isileli mei he ao oe kakai Filisitia, bea naa nau to hifo o lavea i he mouga ko Kiliboa.

2 Bea nae tuli malohi e he kakai Filisitia kia Saula bea mo hono gaahi foha; bea nae tamate‘i e he kakai Filisitia a Jonatane, mo Abinatabi, mo Malikisua, koe gaahi foha o Saula.

3 Bea nae malohi lahi ae tau kia Saula, bea nae fana‘i ia e he kau too mea fana, bea nae lavea ia e he kau tagata fana.

4 Bea nae toki behe ai e Saula ki hono tagata too mahafutau, Unuhi mai hoo heleta, bea ke tui aki au ke aji; telia naa ha‘u ae kau taekamu na mo nau manuki kiate au. Ka nae ikai fie fai ia e hono tagata too mahafutau; he naa ne manavahe lahi. Koia nae too ai e Saula ha heleta, mo ne higa atu ki ai.

5 Bea i he ene jio e hono tagata too mahafutau kuo mate a Saula, naa ne higa foki ia ki he heleta, mo ne mate ai.

6 Koia, nae mate a Saula, bea mo hono gaahi foha e toko tolu, bea mate fakataha mo hono fale kotoabe.

7 Bea i he ene jio e he kau tagata Isileli kotoabe akinautolu nae i he botu talalo, ki he e nau feholaki, bea kuo mate a Saula bea mo hono gaahi foha, naa nau toki jiaki ho nau gaahi kolo, mo nau hola: bea nae ha‘u ae kakai Filisitia mo nofo atu ki ai.

¶ 8 Bea i he ene hoko ki he bogibogi nae feholoi, i he ene aluage ae kakai Filisitia ke vete ae gaahi kofu mei he kakai mate, naa nau ilo a Saula bea mo hono gaahi foha kuo to hifo i he mouga ko Kiliboa.

9 Bea oji e nau fakatelefua‘i ia, naa nau too a hono ulu, mo hono mahafu, mo nau fekau atu ki he fonua oe kakai Filisitia i he botu fulibe, ke fanogonogo hono tala ki ho nau gaahi tamabua, bea moe kakai.

10 Bea naa nau tuku a hono mahafu ki he fale o ho nau gaahi otua, mo nau tautau a hono ulu i he fale tabu o Takoni.

¶ 11 Bea i he ene ogo atu ki Jebesi‐kiliati kotoabe ae mea kotoabe nae fai kia Saula e he kakai Filisitia,

12 Naa nau tuu hake, ae kau tagata to‘a kotoabe, o nau ave ae jino o Saula, moe jino o hono gaahi foha, mo nau omi ia ki Jebesi, bea naa nau tanu a ho nau gaahi hui i he lolo oke i Jebesi, bea  naa nau aukai i he aho e fitu.

13 Koia, nae mate a Saula koeuhi ko ene agahala aia naa ne fai agahala ai kia Jihova, mo ene talagataa ai ki he folofola a Jihova, aia nae ikai te ne fai ki ai, bea koeuhi foki ko ene fakafehui ki ha taha nae kau moe laumalie kovi, ke fakaogo ki ai:

14 O ikai fakaogo ia kia Jihova: koia naa ne tamate‘i ai ia, mo ne fakafoki atu ae buleaga kia Tevita koe foha o Jese.