¶ 1 BEA hili eni nae hoko o behe, nae teia e Tevita ae kakai Filisitia, mo ne ikuna akinautolu, mo ne kabaji a Kati mo hono gaahi kolo mei he nima oe kakai Filisitia.

2 Bea naa ne teia a Moabe; bea nae hoko ae kakai Moabe koe kau hoboate kia Tevita, bea naa nau omi ae gaahi koloa.

¶ 3 Bea nae teia e Tevita a Hetatesa koe tu‘i o Soba o a‘u ki Hamati, lolotoga a ene alu ke fakamalohi hono buleaga i he vee vaitafe ko Iufaletesi.

4 Bea nae too mai e Tevita meiate ia ae gaahi jaliote e afe, moe kakai heka hose e toko fitu afe, moe kakai haele e toko ua mano: bea nae tuuji foki e Tevita ae uouo oe va‘e oe faga hose kotoabe oe gaahi jaliote, ka naa ne tuku ha  hose ki he jaliote e teau.

5 Bea i he kuoga nae ha‘u ai ae kakai Silia mei Tamasikusi, ke tokoni kia Hetatesa koe tu‘i o Soba, nae tamate‘i e Tevita oe kakai Silia ae kau tagata e toko ua mano moe ua afe.

6 Hili ia nae tuku e Tevita  ha kau tau ki Silia‐tamasikusi: bea nae hoko ae kakai Silia koe kau hoboate kia Tevita, bea naa nau omi koloa. Nae behe ae fakamoui a Tevita e Jihova i he botu kotoabe naa ne alu ki ai.

7 Bea nae too mai e Tevita ae gaahi jifa koula nae kofu aki e he kakai o Hetatesa, o ne omi ia ki Jelusalema.

8 Bea mei Tibati foki, bea mei Kuni, koe ogo kolo o Hetatesa, nae omi e Tevita ae balasa lahi aubito, aia nae gaohi aki e Solomone ae fuu aiaga vai lahi, moe gaahi bou, moe gaahi ibu balasa.

¶ 9 Bea koeni, i he ene fanogo e Tou koe tu‘i o Hamati ki he teia e Tevita ae kau tau kotoabe o Hetatesa koe tu‘i o Soba;

10 Naa ne fekau a Hatolami ko hono foha ke  alu kia Tevita, he aahi fakakaiga kiate ia, mo ne lea lelei kiate ia, koeuhi ko ene tau‘i a Hetatesa, mo ne teia ia; (he nae faa tau a Hetatesa mo Tou;) bea nae  oage moia ae gaahi ibu koula moe siliva moe balasa.

11 Nae fakatabu‘i foki ia e Tevita kia Jihova, aia moe siliva moe koula naa ne omi mei he gaahi buleaga  koia; mei Itomi, bea mo Moabe, bea mei he fānau a Amoni, bea mei he kakai Filisitia, bea mei Amaleki.

12 Bea nae tamate‘i e Abisai foki koe tama a Seluia ae kau Itomi e toko taha mano moe toko valu afe i he botu talalo oe masima.

13 Bea naa ne fakanofo ae gaahi kau tau i Itomi; bea nae hoko o tamaioeiki kia Tevita ae kakai Itomi kotoabe. Nae behe ae fakamoui a Tevita e Jihova i he botu kotoabe naa ne alu ki ai.

¶ 14 Koia, nae bule a Tevita ki Isileli katoa, mo ne fai ae fakamāu moe bule totonu i he lotolotoga o ene kakai kotoabe.

15 Bea nae bule a Joabe koe tama a Seluia ki he kau tau; bea ko Jihosafate koe foha o Ahilute koe tagata tohi mea fakabuleaga ia.

16 Bea ko Satoki koe foha o Ahitube, mo Abimeleki koe foha o Abiata, koe ogo taulaeiki akinaua; bea ko Savisa koe tagata tohi ia;

17 Bea nae bule a Benaia koe foha o Jihoiata ki he kakai Keliti moe kakai Beleti; bea koe gaahi foha o Tevita nae tuu o ofi ki he tu‘i.