¶ 1 KOE gaahi foha eni o Juta; ko Felesi, mo Hasiloni, mo Kalimi, mo Uli, mo Sobale.

2 Bea nae tubu ia Liaia koe foha o Sobale a Jeati; bea nae tubu ia Jeati a Ehumai, mo Lehati. Ko kinautolu eni ae faahiga oe kakai Sola.

3 Bea nae tubu mai eni mei he tamai a Etama: ko Jesilili, mo Isima, mo Itibasi: bea koe higoa o ho nau tuofefine ko Haseliboni:

4 Bea ko Penieli koe tamai a Kitoa, mo Aseli koe tamai a Husa. Ko kinautolu ni koe gaahi foha o Hua, koe uluaki fanau kia Efalata, koe tamai a Betelihema.

5 Bea ko Asuli koe tamai a Tikoa nae ma‘u ae unoho e toko ua, ko Hela mo Neala.

6 Bea nae fanau‘i e Neala kiate ia a Ahusami, mo Hefeli, mo Temini, mo Ehasitali. Koe gaahi tama eni a Neala.

7 Bea koe gaahi tama eni a Hela, ko Seleti, mo Jisoa, mo Etinani.

8 Bea nae tubu ia Kosi a Anubi, mo Sobeba, moe gaahi faahiga o Ehaleli koe foha o Halumi.

¶ 9 Bea nae ogoogolelei lahi hake a Jebesi i hono kaiga: bea nae ui a hono higoa e he ene fa‘e ko Jebesi, ko  ene behe, Koeuhi naaku faele‘i ia i he mamahi.

10 Bea nae lotu a Jebesi ki he Otua o Isileli, o behe, Taumaia, te ke tabuaki mooni au, mo fakalahi a hoku mata fonua, bea ke kau mai ho nima kiate au, bea ke malu‘l au mei he kovi, koeuhi he oua naaku mamahi ai! Bea nae foaki e he Otua ae mea naa ne kole ki ai.

¶ 11 Bea nae tubu ia Kilubi koe tokoua o Sua a Mili, aia koe tamai kia Esitoni.

12 Bea nae tubu ia Esitoni a Bete‐lafa, mo Basea, mo Tihina koe tamai a Ilinahasi. Koe kau tagata ia o Leka.

13 Bea koe gaahi foha eni o Kinasi; koe Otenili, mo Selaia: bea koe gaahi foha o Otinili, ko Hetati.

14 Bea nae tubu ia Meonotei a Ofila: bea nae tubu ia Selaia a Joabe, koe tamai oe kakai oe botu talalo o Kalasimi; he koe kau tufuga akinautolu.

15 Bea koe gaahi foha eni o Kelebi koe foha o Jifune; ko Ilu, mo Ela, mo Naami: bea koe gaahi foha o Ela, io a Kinasi.

16 Bea koe gaahi foha o Jihalelili; ko Sifi, mo Sifa, mo Tilia, mo Esalili.

17 Bea koe gaahi foha eni o Esela, ko Jeteli, mo Meleti, mo Efeli, mo Jaloni: bea nae fanau‘i eia a Miliame, mo Samei, bea mo Isiba koe tamai a Esitimoa.

18 Bea nae fanau‘i e hono unoho mei he kakai Juta a Jeleti koe tamai a Kitoa, mo Heba koe tamai a Soko, mo Jikutili koe tamai a Sanoa. Bea koe gaahi tama eni o Bitia koe ofefine o Felo, aia nae unoho mo Meleti.

19 Bea koe gaahi tama ae fefine ko Hotia koe tuofefine o Neami, koe tamai a Kila koe tagata Kamai, mo Esitimoa koe tagata Meaka.

20 Bea koe gaahi foha eni o Simoni, ko Amanoni, mo Lina, mo Benihanani, mo Tiloni. Bea koe gaahi foha o Isi eni, ko Soheti mo Benisoheti.

¶ 21 Bea koe gaahi foha o Sela koe foha o Juta, ko Ea koe tamai a Leka, mo Lata koe tamai a Malesa, bea moe gaahi faahiga oe fale okinautolu nae gaohi ae tubenu lelei lahi, i he faahiga o Esibea.

22 Mo Jokimi, moe kau tagata o Koseba, mo Joasi, mo Salafi, aia nae aana ae bule i Moabe, mo Jasubi‐lehemi. Bea koe gaahi mea mua eni.

23 Koe kau tufuga ibu umea akinautolu ni, bea mo kinautolu nae nofo ki he to goue moe gaahi akau; naa nau nofo ai moe tu‘i ke fai ene gaue.

¶ 24 Koe gaahi foha eni o Simione, ko Nimueli, Mo Jamini, mo Jalibi, mo Sela, mo Sauli:

25 Ko Salumi ko hono foha, mo Mibisami ko hono foha oona, mo Misima ko hono foha oona.

26 Bea koe gaahi foha o Misima; ko Hamueli ko hono foha oona, mo Sakuli ko hono foha oona, mo Simi ko hono foha oona.

27 Bea nae ma‘u e Simi ae gaahi foha e toko hogofulu ma toko ono, moe gaahi ofefine e toko ono; ka nae ikai ke toko lahi ae fānau o hono gaahi tokoua, bea nae ikai ke fanafanau lahi a hono faahiga kotoabe, ke hage koe fānau a Juta.

28 Bea naa nau nofo i Beasiba, mo Molata, moe gaahi kolo o Suali.

29 Bea i Bilaa, bea i Esemi, bea i Tolati,

30 Bea i Betueli, bea i Hoama, bea i Sikilaki,

31 Bea i Bete‐malikaboti, moe gaahi kolo o Susimi, bea i Betebilei, bea i Saelimi. Ko ho nau gaahi kolo eni o a‘u ki he bule a Tevita.

32 Bea ko ho nau gaahi kolo jii, ko Etama, mo Aini, mo Limoni, mo Tokeni, mo Asani, koe kolo e nima:

33 Bea mo ho nau gaahi kolo jii nae tuu takatakai i he gaahi kolo koia, o a‘u ki Beali. Koeni ia a ho nau gaahi nofoaga o fakatatau mo ho nau gaahi faahiga.

34 Bea ko Mesobabi, mo Jamileki, mo Josa koe foha o Amasia.

35 Mo Joeli, mo Jehu koe foha o Josibia, koe foha o Selaia, koe foha o Esieli,

36 Mo Ilionei, mo Jakoba, mo Jisohaia, mo Asaia, mo Atieli, mo Jesimieli, mo Benaia,

37 Mo Sisa koe foha o Sifi, koe foha o Aloni, koe foha o Jitaia, koe foha o Simili, koe foha o Simaia;

38 Ko kinautolu ni kuo lau ho nau higoa, koe houeiki akinautolu o ho nau gaahi faahiga: bea nae tubu o toko lahi aubito ae fale oe nau gaahi tamai.

¶ 39 Bea naa nau alu atu ki he huaga ki Kitoa, ki he botu hahake oe telea, ke kumi ae botu mohukuia ma ae nau faga manu.

40 Bea naa nau ilo ae botu mohukuia mo lelei, bea nae ataatā ae fonua, mo nofo lelei, mo melino be; he nae nofo i mua i ai ae kakai Hami.

41 Bea ko kinautolu ni nae tohi a ho nau higoa nae ha‘u i he gaahi aho o Hesekaia koe tu‘i o Juta, o nau teia ho nau gaahi fale fehikitaki, bea moe kakai Maoni nae ilo i ai, mo nau fakaauha aubito ia o a‘u mai ki he aho ni, bea naa nau nofo i ho nau gaahi botu: koeuhi nae i ai ae mohuku ki he e nau faga manu.

42 Bea nae iateki nautolu, ae fānau a Simione, koe kau tagata e toko nimageau, nae alu ki he mouga ko Seia, bea ko ho nau gaahi eiki tau ko Belatia, mo Nealia, mo Lifaia, bea mo Usili, koe gaahi foha o Isi.

43 Bea naa nau teia ae toega oe kakai Amaleki nae hao, mo nau nofo ai o a‘u mai ki he aho ni.