¶ 1 BEA nae tuu hake a Setani ke fakakovi‘i a Isileli, bea naa ne fakaloto‘i a Tevita ke ne lau hono toko lahi o Isileli.

2 Bea nae behe e Tevita kia Joabe, bea ki he gaahi eiki bule ki he kakai, Mou alu, o lau hake a Isileli o fai mei Beasiba o a‘u atu ki Tani; bea omi kiate au a hono lau, koeuhi keu ilo ai ai.

3 Bea nae taliage e Joabe Ke gaohi e Jihova a hono kakai ke nau liuga teau hake akinautolu i ho nau toko lahi koeni: ka koeni, e hoku eiki koe tu‘i ikai koe kau tamaioeiki akinautolu kotoabe, a hoku eiki? bea ka kuo behe, koeha a hono uhiga oe fie fai ae mea ni e hoku eiki? koeha oku ne fie hoko ai koe fakahala ki Isileli?

4 Ka ne ogo ia nae malohi hake kia Joabe ae folofola ae tu‘i. Koia nae alu ai a Joabe, mo ne ojiki ae botu kotoabe i Isileli, mo ne ha‘u ki Jelusalema.

5 Bea nae age e Joabe ae lau a hono toko fiha oe kakai kia Tevita. Bea koe katoa o Isileli koe kau tagata nae too heleta, koe toko taha miliona moe toko taha kilu: bea koe kakai i Juta nae too heleta nae toko fa kilu moe toko fitu mano.

6 Ka nae ikai ke lau ai akinautolu o Livai be ko Benijimani: he nae kovi lahi aubito kia Joabe ae lea ae tu‘i.

7 Bea nae houhau ae Otua koeuhi koe mea ni; bea koia naa ne teia ai a Isileli.

8 Bea nae behe ai e Tevita ki he Otua, Kuou fai agahala o lahi, koeuhi ko eku fai ae mea ni: ka koeni, oku ou kole kiate koe, ke ke hiki atu ae agahala a hoo tamaioeiki; he kuou fai vale aubito.

¶ 9 Bea nae folofola a Jihova kia Kata koe tagata kikite o Tevita, o behe,

10 Ke ke alu o tala kia Tevita, o behe, Oku behe e Jihova, Oku ou tuku atu ae mea koeni e tolu, bea ke fili ekoe ha taha i ai, koeuhi keu fai ia kiate koe.

11 Koia nae ha‘u ai a Kata kia Tevita, mo ne behe kiate ia, Oku behe e Jihova, Ke ke fili ekoe:

12 Ae hoge i he ta‘u e tolu; be koe tautea koe i he ao o ho gaahi fili i ha mahina e tolu, lolotoga ae hoko kiate koe ae heleta o ho gaahi fili; be koe aho e tolu oe heleta o Jihova, io, ae mahaki fakaauha i he fonua, moe fai ae fakaauha e he agelo a Jihova i he gaahi botu fonua kotoabe o Isileli. Koia foki ke ke fakakaukau ekoe be koeha ae lea teu toe ave kiate ia naa ne fekau‘i au.

13 Bea nae behe e Tevita kia Kata, Oku ou efihia aubito au: tuku be keu higa ki he nima o Jihova; he oku lahi aubito a ene gaahi aloofa: kae oua naa tuku keu to ki he nima oe tagata.

14 Koia nae tuku ai e Jihova ae mahaki fakaauha ki Isileli: bea nae mate oe kakai Isileli ae kau tagata e toko fitu mano.

15 Bea nae fekau atu ha agelo e he Otua ki Jelusalema ke ne fakaauha ia; bea lolotoga a ene fai ae fakaauha, nae vakai e Jihova, bea naa ne liliu mei he kovi, mo ne behe ki he agelo nae fai ae fakaauha, Mauā, kuo lahi, bea taofi eni ho nima. Bea nae tuu ae agelo a Jihova i he vee mataba oe hahaaga uite o Olinani koe tagata Jebusi.

16 Bea nae haga hake e Tevita a hono mata, bea naa ne mamata ki he agelo a Jihova oku ne tuu i he vahaa o mamani bea moe lagi, kuo too i hono nima ae heleta nae tuu tonu atu ki Jelusalema. Bea nae to hifo ai ki ho nau mata a Tevita moe kau mātua, kuo nau kofu aki ae tauagaa.

17 Bea nae behe e Tevita ki he Otua, Ikai ko au ia nae fekau ke lau hake ae kakai? io ko au be ia kuou agahala mo fai ae kovi mooni; ka koe faga sibi koena, koeha kuo fai ekinautolu? E Jihova koe Otua, oku ou kole kiate koe, ke ke tuku ho nima ke hoko kiate au, bea ki he fale o eku tamai; kae oua naa i hoo kakai ia, ke nau mamahi ai.

¶ 18 Bea nae toki fekau e he agelo a Jihova kia Kata ke ne lea kia Tevita o behe, ke alu hake a Tevita mo ne fokotuu ha feilaulauaga kia Jihova, i he botu hahaaga uite o Olinani koe tagata Jebusi.

19 Bea nae alu hake a Tevita i he lea a Kata aia naa ne lea aki i he huafa o Jihova.

20 Bea i he ene tafoki a Olinani, mo ne mamata ki he agelo, naa ne fakafufu ia bea mo hono gaahi foha e toko fa. Bea koe lolotoga eni ae haha ae uite e Olinani,

21 Mo ene haeleage a Tevita kia Olinani, nae jio atu a Olinani o ne mamata kia Tevita, bea naa ne alu atu mei he hahaaga uite, mo ne tuulutui kia Tevita aki a hono mata ki he kelekele.

22 Bea nae toki behe e Tevita kia Olinani, Foaki mai ae botu hahaaga uite, koeuhi keu laga ai ha feilaulauaga kia Jihova: te ke tuku mai ia i ha totogi totonu ki ai: kae kehe ke taofi ae nahaki fakaauha mei he kakai.

23 Bea nae behe e Olinani kia Tevita, Ke ke ma‘u ia moou, bea ke fai e hoku eiki koe tu‘i ae mea oku lelei i hono tofoga oona: vakai foki, oku ou foaki ae faga bulu ke atu koe feilaulau tutu, moe nāunāu oe haha uite ke fefie aki, bea moe uite ke atu koe feilaulau meakai; oku ou atu ia kotoabe.

24 Ka nae behe e he tu‘i ko Tevita kia Olinani, Ikai; ka teu fakatau mooni ia meiate koe aki a hono totogi totonu: koeuhi e ikai teu too mai ae mea aau ma a Jihova, be atu tae totogi ha gaahi feilaulau tutu.

25 Koia hono age e Tevita kia Olinani ke totogi ki he botu koia ae sikeli koula e onogeau nae fakamamafa.

26 Bea nae laga i ai e Tevita ha feilaulauaga kia Jihova, mo ne atu ai ae gaahi feilaulau tutu, moe gaahi feilaulau fakamelino, mo ne ui ai kia Jihova; bea naa ne tali ia mei he lagi aki ae afi nae  to ki he feilaulauaga oe feilaulau tutu.

27 Bea nae fekau e Jihova ki he agelo; bea naa ne toe ai a ene heleta ki hono aiaga.

28 Bea i he kuoga koia i he mamata a Tevita kuo tali e Jihova kiate ia i he hahaaga uite o Olinani koe tagata Jebusi, naa ne toki fai feilaulau i he botu koia.

29 He koe fale fehikitaki o Jihova aia nae gaohi e Mosese i he toafa, bea moe feilaulauaga oe feilaulau tutu, nae nofo i he kuoga koia i he botu maoluga i Kibione.

30 Ka nae ikai faa alu a Tevita ki ai ke fehui ki he Otua: he naa ne manavahe koeuhi koe heleta oe agelo o Jihova.