ʻIsikeli
Ko ha palōfita ia naʻá ne tohi ʻa e tohi ʻa ʻIsikeli ʻi he Fuakava Motuʻá. Ko ha taulaʻeiki ia ʻi he fāmili ʻo Sātokí, pea ko e taha ʻo e kakai Siu naʻe puke pōpula ʻo fetuku ʻe Nepukanesa. Naʻá ne nofo fakataha mo e kau Siu nofo pōpula ʻi Pāpilone pea naʻá ne kikite ʻi ha vahaʻataimi ʻo e taʻu ʻe uofulu mā ua, mei he taʻu 592–570 K.M.
Ko e tohi ʻa ʻIsikelí
ʻE lava ʻo vahevahe ʻa e tohi ʻa ʻIsikelí ki ha vahevahe ʻe 4. ʻOku fakamatala ʻa e vahe 1–3 ki ha meʻa-hā-mai ki he ʻOtuá pea mo hono ui ʻo ʻIsikeli ke ngāué, ʻoku fakamatala ʻa e vahe 4–24 ki he ngaahi tautea ʻe tō mai ki Selusalema mo e ʻuhinga ʻe tuku mai ai iá; ʻoku fakahā ʻe he vahe 25–32 ʻa e ngaahi tautea ʻe hoko mai ki he ngaahi puleʻangá; pea ʻoku tohi ʻi he vahe 33–48 ʻa e ngaahi meʻa-hā-mai ʻo kau ki ʻIsileli ʻi he ʻaho fakaʻosí.